Поўная версія

Адносіны паміж Беларуссю і Грузіяй развіваюцца дынамічна - Кварацхелія

Палітыка 22.05.2019 | 15:33

22 мая, Мінск /Аліна Грышкевіч - БЕЛТА/. Адносіны паміж Беларуссю і Грузіяй развіваюцца дынамічна. Гэта адзначыў Надзвычайны і Паўнамоцны Пасол Грузіі ў Беларусі Валерый Кварацхелія сёння на прэс-канферэнцыі, прымеркаванай да Дня незалежнасці Грузіі, паведамляе карэспандэнт БЕЛТА.

Пасол падкрэсліў, што ў бягучым годзе будзе адзначацца 25-годдзе двухбаковых дыпламатычных адносін, што з'яўляецца важнай вяхой для абедзвюх краін. Дыпламат акцэнтаваў увагу на існуючых добрых кантактах паміж Беларуссю і Грузіяй, што было пацверджана і праведзеным у сакавіку мінулага года афіцыйным візітам кіраўніка беларускай дзяржавы ў Тбілісі. Паводле слоў Валерыя Кварацхелія, падпісаныя ў час візіту каля 40 двухбаковых дакументаў рэалізуюцца і садзейнічаюць павелічэнню ўзаемнага тавараабароту.

Дыпламат са шкадаваннем канстатаваў, што пакуль беларуска-грузінскі тавараабарот невялікі. Так, у 2018 годзе ён склаў каля $87 млн, але ў першым квартале бягучага года тавараабарот павялічыўся на 10 працэнтаў у параўнанні з такім жа перыядам мінулага года. Ёсць усе падставы для нарошчвання гэтага паказчыка, лічыць пасол. Пры гэтым ён звярнуў увагу, што дзвюм краінам трэба будзе папрацаваць над лагістыкай узаемнай дастаўкі тавараў. Бо і цана тавараў шмат у чым залежыць ад гэтага фактару. "Калі будзем мець добрыя цэны, то і тавараабарот павялічыцца", - заўважыў кіраўнік дыпмісіі.

Разам з гэтым Валерый Кварацхелія сказаў, што прапрацоўваюцца і новыя напрамкі супрацоўніцтва. У прыватнасці, размова ідзе аб дрэваапрацоўцы, фармацэўтыцы, медыцыне. Ужо наладжаны абмены вопытам работы ў галіне аховы здароўя. Таксама часта грузінскія грамадзяне прыязджаюць у Беларусь аперыравацца, скарыстацца паслугамі беларускай транспланталогіі. Ён таксама адзначыў, што стварэнне сумеснай з Беларуссю прадукцыі для паставак у тым ліку на рынкі трэціх краін з'яўляецца перспектыўным напрамкам для двухбаковага эканамічнага супрацоўніцтва.-0-

Навіны рубрыкі Палітыка
Валід аль-Муалем. Фота ТАСС Віцэ-прэм'ер Сірыі 20-24 ліпеня наведае Беларусь з афіцыйным візітам
Учора 19:09
Больш справы, менш слоў - чаму важна аператыўна вырашыць праблемы ў адносінах Беларусі і Расіі
Учора 17:55
Кіраўнікі консульскіх службаў МЗС краін СНД збяруцца 19 ліпеня ў Душанбэ
Учора 09:00
Андрэй Дапкюнас. Фота з архіва Беларусь будзе настойліва пашыраць ініцыятыву "Хельсінкі-2" - Дапкюнас
18 Ліпень, 19:22
Расія і Беларусь будуюць адносіны з улікам інтарэсаў адзін аднаго - Пуцін
18 Ліпень, 17:36
Лукашэнка і Пуцін выпрацавалі новыя ініцыятывы па паглыбленні інтэграцыі паміж Беларуссю і Расіяй
18 Ліпень, 17:23
Антоніу Гутэрыш. Фота Сіньхуа - БЕЛТА Генсакратар ААН высока ацэньвае намаганні Беларусі па ўмацаванні бяспекі ў свеце і рэгіёне
18 Ліпень, 12:16
Мацвіенка: рэалізацыю саюзнага дагавора важна напаўняць актуальнымі праектамі
17 Ліпень, 13:32
У ЕАЭС плануецца стварыць орган для каардынацыі курсавой палітыкі
17 Ліпень, 12:36
Поўная версія