
У рэспубліцы налічваецца больш за 4 тыс. аб'ектаў і 28 аператараў* паштовай сувязі.
Сярод навацый і дасягненняў у сферы паслуг паштовай сувязі:
- развіццё нацыянальнай паштовай электроннай сістэмы (звыш 5,4 тыс. карыстальнікаў),
- развіццё сэрвісу "Мабільны паштальён" (аказанне паслуг у населеных пунктах па-за аб'ектам паштовай сувязі, больш за 6,1 тыс. адз.),
- пашырэнне сеткі паштаматаў (звыш 150 адз.).
У рэйтынгу Сусветнага паштовага саюза Беларусь заняла 15-е месца са 172 краін свету (2IPD)**. Індэкс паштовага развіцця Беларусі склаў 71,31 бала.
Для даведкі
Беларусь - паўнапраўны член Сусветнага паштовага саюза з 1947 года. Арганізацыя створана ў 1874 годзе, аб'ядноўвае 192 краіны.
*Маюць ліцэнзію на аказанне паслуг паштовай сувязі.
**За 2022 год, 2IPD - састаўны індэкс, які дае абагульненую карціну паштовага развіцця ў любой краіне або рэгіёне на падставе чатырох ключавых кампанентаў: надзейнасць, ахоп, актуальнасць і ўстойлівасць.
Крыніца: Міністэрства сувязі і інфарматызацыі.