Поўная версія

Замежныя інвестары ўклалі ў студзені-верасні ў эканоміку Беларусі $7,1 млрд

Эканоміка 13.11.2019 | 18:19
Фота з архіва
Фота з архіва

13 лістапада, Мінск /Кар. БЕЛТА/. Замежныя інвестары ўклалі ў студзені-верасні 2019 года ў рэальны сектар эканомікі Беларусі (акрамя банкаў) $7,1 млрд, паведамілі БЕЛТА ў Нацыянальным статыстычным камітэце.

Асноўнымі інвестарамі арганізацый краіны былі суб'екты гаспадарання Расіі (44,2 працэнта ад усіх паступіўшых інвестыцый), Злучанага Каралеўства Вялікабрытаніі і Паўночнай Ірландыі (19,7 працэнта), Кіпра (6,6 працэнта).

Паступленне прамых замежных інвестыцый склала $5,2 млрд, або 73,6 працэнта ад усіх паступіўшых замежных інвестыцый.

Арганізацыі Беларусі (акрамя банкаў) у студзені-верасні накіравалі за мяжу інвестыцый на суму $4,4 млрд. Значныя аб'ёмы інвестыцый былі накіраваны суб'ектам гаспадарання Расіі (62,3 працэнта ад усіх накіраваных інвестыцый), Украіны (15,8 працэнта), Злучанага Каралеўства Вялікабрытаніі і Паўночнай Ірландыі (8,7 працэнта). На долю прамых інвестыцый прыпадала 91,1 працэнта ўсіх накіраваных інвестыцый за мяжу.-0-

Навіны рубрыкі Эканоміка
Поўная версія