Поўная версія

Заяц: абвінавачанні Рассельгаснагляду ў адрас Беларусі адносна рээкспарту таматаў беспадстаўныя

Эканоміка 24.10.2017 | 09:00

24 кастрычніка, Мінск /Кар. БЕЛТА/. Абвінавачанні Рассельгаснагляду ў адрас Беларусі адносна рээкспарту таматаў беспадстаўныя, заявіў 23 кастрычніка журналістам міністр сельскай гаспадаркі і харчавання Леанід Заяц, перадае карэспандэнт БЕЛТА.

Міністр нагадаў, што ў пачатку года Рассельгаснагляд правяраў ужо ў Беларусі сады, гаспадаркі і сховішчы. "Напружанне спала, прэтэнзій да нас не было. Цяпер узнікла пытанне, што нібыта мы пачынаем "партызаніць" з таматамі. У нашай краіне сёння дастаткова гэтай прадукцыі, каб забяспечыць свой рынак і паставіць на экспарт. Таму трэба не інспектаваць, а давяраць. Калі будзе давер, то мы зробім больш разам, чым калі будуць у адрас суседа нейкія падазрэнні выказвацца", - адзначыў ён.

Леанід Заяц звярнуў увагу, што беларускі бок перадаваў Рассельгаснагляду ўвесь пакет дакументаў (прычым не адзін раз), якія пацвярджаюць, што ў краіне праводзіцца адпаведны кантроль сельскагаспадарчай прадукцыі на ўсіх этапах, які пацвярджае яе бяспеку для спажыўца. "У гэтым сумнявацца не трэба", - падкрэсліў міністр.

Мінсельгасхарч выступае за тое, каб беларускія вытворцы прысутнічалі сёння на расійскім рынку без якіх-небудзь абмежаванняў - значыць гэтак жа, як расійская прадукцыя прысутнічае ў Беларусі. "Мы сёння ад Расіі не закрываемся, крупяныя і мучныя вырабы, агародніна, малочныя і мясныя прадукты расійскіх кампаній - усё гэта ёсць на нашым рынку. Мы дамаўляліся, падпісвалі агульныя дакументы, якія маюць сілу. Прыдзірацца да нас сёння беспадстаўна, у гэтым няма ніякай логікі", - дадаў Леанід Заяц.

"Думаю, што разумны сэнс павінен перамагчы і расійскі бок павінен нас пачуць", - рэзюмаваў міністр.-0-

Навіны рубрыкі Эканоміка
Фота з архіва "Белнафтахім" пацвердзіў падпісанне з РФ нафтавага балансу з РФ на 2020 год у аб'ёме 24 млн т
09:13
Мінтранс: дазволы на перавозкі размяркоўвалі з улікам эфектыўнасці, Польшчы прапаноўвалі бездазвольную сістэму
Учора 18:07
ДМК і China Merchants Group будуць супрацоўнічаць у сферы рэгулявання дзейнасці "Вялікага каменя"
Учора 17:10
Аляксандр Шумілін. Фота з архіва Беларусь вывучае міжнародны вопыт развіцця і стымулявання інавацыйнага бізнесу
Учора 15:33
Беларусь і Польшча могуць атрымаць больш выгады ад свайго суседства - Калтовіч
Учора 14:00
Механізм электроннага абарачэння гарантый паміж банкамі і мытнымі органамі ўкарэняць у Беларусі
Учора 12:10
Фота з архіва У лістападзе падаражэлі перац і грэчка, патаннелі - капуста і ікра
Учора 10:38
Беларусь і Егіпет маюць намер паглыбіць прамысловую кааперацыю
Учора 10:18
Сусветны банк падрыхтуе прапановы па стварэнні кластараў у сферы АПК Беларусі
Учора 10:11
Поўная версія