Поўная версія

Віцебская і Курская вобласці падпішуць пагадненне аб супрацоўніцтве на VI Форуме рэгіёнаў

Эканоміка 11.07.2019 | 11:17
Фота з архіва
Фота з архіва

11 ліпеня, Віцебск /Кар. БЕЛТА/. Пагадненне аб гандлёва-эканамічным, навукова-тэхнічным і сацыяльна-культурным супрацоўніцтве плануюць падпісаць Віцебскі аблвыканкам і адміністрацыя Курскай вобласці на VI Форуме рэгіёнаў Беларусі і Расіі ў Санкт-Пецярбургу, паведамілі карэспандэнту БЕЛТА ў камітэце эканомікі Віцебскага аблвыканкама.

У склад дэлегацыі Віцебскай вобласці, якую ўзначаліць старшыня аблвыканкама Мікалай Шарстнёў, увойдуць кіраўнікі прадстаўнічых і выканаўчых органаў улады, устаноў адукацыі і культуры, прадпрыемстваў і арганізацый.

Курская вобласць стане 25 суб'ектам Расійскай Федэрацыі, з якімі паўночны беларускі рэгіён развівае ўзаемадзеянне на дагаворнай аснове. Такі падыход дае магчымасць у поўнай меры рэалізаваць патэнцыял супрацоўніцтва, служыць добрай падмогай для арганізацыі дзелавых візітаў прамыслоўцаў у расійскія рэгіёны, развіццю кантактаў у гуманітарнай сферы.

Акрамя ўмацавання міжрэгіянальных сувязей дэлегацыя Віцебскай вобласці плануе ўдзяліць асаблівую ўвагу пытанням узаемадзеяння бізнес-колаў, а таксама актывізацыі гандлёва-эканамічнага супрацоўніцтва. Пры падрыхтоўцы да форуму прадпрыемствы і арганізацыі прапрацавалі і плануюць заключыць больш за 30 кантрактаў на агульную суму амаль $46 млн. Выкарыстоўваючы магчымасці, якія прадастаўляе Форум рэгіёнаў, разлічваюць абзавесціся новымі партнёрамі і пашырыць сваю прысутнасць на расійскім рынку прадпрыемствы харчовай прамысловасці, што ўваходзяць у дзяржаўнае аб'яднанне "Віцебскі канцэрн "Мяса-малочныя прадукты", а таксама ААТ "Полацк-Шкловалакно", СТАА "Белвест", РУВГП "Аршанскі льнокамбінат", УП "Палімерканструкцыя", ААТ "Обальскі керамічны завод", КУВП "Віцябчанка" і іншыя віцебскія вытворцы.

Форум рэгіёнаў пройдзе 16-18 ліпеня ў Санкт-Пецярбургу. Традыцыйна яго цэнтральным мерапрыемствам стане пленарнае пасяджэнне, у якім запланаваны ўдзел прэзідэнтаў Беларусі і Расіі. У гэтым годзе яго тэмай стануць міжрэгіянальныя сувязі як аснова фарміравання адзінай культурнай і гуманітарнай прасторы Беларусі і Расіі.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
19 Ліпень, 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
19 Ліпень, 16:02
Мінтранс распрацоўвае генеральную схему развіцця прыдарожнага сэрвісу да 2025 года
19 Ліпень, 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
19 Ліпень, 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
19 Ліпень, 14:13
Урад Беларусі прапануе Сусветнаму банку ўзгадніць дарожную карту рэформ у верасні
19 Ліпень, 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія