Поўная версія

Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ

Эканоміка 19.07.2019 | 14:13

19 ліпеня, Мінск /Кар. БЕЛТА/. Урад Беларусі зацвердзіў палажэнне аб узаемадзеянні дзяржорганаў і іншых арганізацый пры падрыхтоўцы дакументаў для забеспячэння вывазу нафтапрадуктаў з Расійскай Федэрацыі. Гэта прадугледжана пастановай Савета Міністраў ад 18 ліпеня 2019 года нумар 471, якая сёння афіцыйна апублікавана на Нацыянальным прававым інтэрнэт-партале, паведамляе карэспандэнт БЕЛТА.

Палажэнне ў адпаведнасці з міжурадавым пагадненнем Беларусі і РФ аб мерах па ўрэгуляванні гандлёва-эканамічнага супрацоўніцтва ў галіне экспарту нафты і нафтапрадуктаў вызначае парадак узаемадзеяння дзяржаўных органаў і іншых арганізацый пры падрыхтоўцы індыкатыўных балансаў здабычы, спажывання, пастаўкі, імпарту і экспарту нафтапрадуктаў, пратакола ўзгаднення вывазу тавараў з РФ у Беларусь. Прапісана таксама ўзаемадзеянне пры падрыхтоўцы спіса суб'ектаў прадпрымальніцкай дзейнасці - атрымальнікаў гэтых тавараў у Беларусі.

Як растлумачылі ў "Белнафтахіме", дакумент прадугледжвае, што заяўка аб патрэбнасці ў расійскіх нафтапрадуктах на чарговы каляндарны год прадстаўляецца арганізацыяй у канцэрн штогадова не пазней за 1 жніўня па ўстаноўленай пастановай нумар 471 форме.

У канцэрне звярнулі ўвагу кіраўнікоў арганізацый, якія падалі ў канцэрн заяўкі аб патрэбнасці на 2020 год не ў адпаведнасці з устаноўленай пастановай формай, аб неабходнасці карэкціроўкі такіх заявак. У адваротным выпадку заяўкі не будуць прыняты да разгляду.

"Белнафтахім" таксама нагадвае арганізацыям, якія вывозяць расійскія нафтапрадукты ў 2019 годзе, што калі патрэбнасць арганізацыі ў іх зменшылася або адпала, трэба паведаміць аб гэтым у канцэрн не пазней за 1 жніўня. Калі арганізацыя ў пазначаныя тэрміны не праінфармавала канцэрн аб скарачэнні патрэбнасці і па выніках 9 месяцаў яна вывезе менш за 80 працэнтаў ад узгодненага аб'ёму, гэту арганізацыю не ўключаць у пералік атрымальнікаў нафтапрадуктаў на 2020 год. Такі парадак фарміравання пераліку прадугледжаны нормамі пастановы нумар 471.

Заяўкі можна падаваць на электронны адрас: kоncbnx@belneftekhim.by, факс +375 (17) 277-10-08, +375 (17) 277-12-77, тэлефоны для даведак +375 (17) 269-01-52, +375 (17) 269-02-09, +375 (17) 269-03-88.

Пастанова ўступае ў сілу пасля яе афіцыйнага апублікавання і дзейнічае да 31 снежня 2024 года.-0-

Навіны рубрыкі Эканоміка
Сяргей Румас у час сустрэчы Расійскі экспартны цэнтр гатоў падтрымаць беларускія прадпрыемствы ў асваенні рынкаў трэціх краін
14:44
Больш за 40 працэнтаў расходаў бюджэту на эканоміку Беларусі ў І паўгоддзі пайшло на сельскую гаспадарку
12:11
Міжнародная экалагічная экспедыцыя завяршыла на БелАЭС замеры "нулявога фону"
12:00
У час пасяджэння Зніжэнне дзярждоўгу і навацыі для бюджэту - якой будзе праграма кіравання дзяржфінансамі да 2025 года
10:34
"Беларуснафта" плануе павялічыць здабычу нафты на 20 тыс. т па выніках года
Учора 15:46
Беларусь у I паўгоддзі сэканоміла 442,2 тыс. т умоўнага паліва дзякуючы энергазберажэнню
Учора 13:29
Фота з архіва Міністры эканомікі ЕАЭС прапанавалі распрацаваць стратэгію пашырэння экспарту на знешнія рынкі
Учора 12:27
У Беларусі засталося ўбраць менш за 9 працэнтаў плошчы збожжавых
Учора 09:52
Белкаапсаюз: у лідарах па нарыхтоўцы агародніны Брэсцкая вобласць, яблыкаў - Магілёўская
Учора 09:42
Поўная версія