Поўная версія

Удакладнены шэраг пытанняў па электронных дакументах для дзяржрэгістрацыі і ліквідацыі юрыдычных асоб і ІП

Эканоміка 03.03.2018 | 09:11
Фота з архіва
Фота з архіва

3 сакавіка, Мінск /Кар. БЕЛТА/. Пастановай Савета Міністраў нумар 149 ад 23 лютага 2018 года ўдакладнены некаторыя пытанні прадстаўлення электронных дакументаў для дзяржаўнай рэгістрацыі і ліквідацыі суб'ектаў гаспадарання, паведамляе БЕЛТА са спасылкай на Нацыянальны цэнтр прававой інфармацыі.

Дакументам уносяцца змяненні і дапаўненні ў шэраг пастаноў урада. У прыватнасці, змяненні закранулі інструкцыі, зацверджаныя пастановай нумар 1164 "Аб некаторых пытаннях дзяржаўнай рэгістрацыі і ліквідацыі (спынення дзейнасці) суб'ектаў гаспадарання і ўнясенні змяненняў і дапаўненняў у некаторыя пастановы Савета Міністраў Рэспублікі Беларусь" ад 31 жніўня 2011 года.

Інструкцыя аб парадку прадстаўлення электронных дакументаў і іх разгляду рэгіструючым органам дапоўнена пунктам аб тым, што пры спыненні дзейнасці індывідуальнага прадпрымальніка электронныя дакументы ў рэгіструючы орган могуць быць прадстаўлены не толькі самім ІП, але і асобай, упаўнаважанай у адпаведнасці з натарыяльнай даверанасцю дзейнічаць ад яго імя.

Удакладнены фармулёўкі асобных палажэнняў інструкцыі аб парадку размяшчэння і апублікавання звестак аб знаходжанні юрыдычнай асобы (індывідуальнага прадпрымальніка) у працэсе ліквідацыі (спынення дзейнасці).

Унесены змяненні ў натарыяльныя тарыфы за ажыццяўленне натарыяльных дзеянняў і аказанне паслуг прававога і тэхнічнага характару натарыусамі, зацверджаныя пастановай Савета Міністраў нумар 1145 ад 27 снежня 2013 года. Цяпер прадстаўленне электронных дакументаў для дзяржаўнай рэгістрацыі аднесена да натарыяльных дзеянняў (раней - паслугі прававога і тэхнічнага характару).

Дакумент прыняты ў адпаведнасці з абзацам 12 падпункта 9.2 пункта 9 дэкрэта нумар 7 "Аб развіцці прадпрымальніцтва" ад 23 лістапада 2017 года.

Пастанова ўступіла ў сілу 26 лютага 2018 года.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
19 Ліпень, 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
19 Ліпень, 16:02
Мінтранс распрацоўвае генеральную схему развіцця прыдарожнага сэрвісу да 2025 года
19 Ліпень, 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
19 Ліпень, 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
19 Ліпень, 14:13
Урад Беларусі прапануе Сусветнаму банку ўзгадніць дарожную карту рэформ у верасні
19 Ліпень, 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія