Поўная версія

У Беларусі прапануецца пашырыць магчымасці выкарыстання электронных грошай

Эканоміка 11.09.2019 | 17:51

11 верасня, Мінск /Кар. БЕЛТА/. У Беларусі прапануецца пашырыць магчымасці выкарыстання электронных грошай. Адпаведны праект пастановы Савета Міністраў і Нацыянальнага банка вынесены на грамадскае абмеркаванне на Прававым форуме Беларусі, паведамляе БЕЛТА.

Нормамі праекта пастановы прадугледжваецца пашырэнне магчымасці выкарыстання плацежных інструментаў і электронных грошай пры безнаяўных разліках за набытыя тавары (работы, паслугі).

У абгрунтаванні да праекта пастановы адзначаецца, што ў Беларусі створаны прававыя ўмовы для правядзення аперацый з электроннымі грашамі. Аднак на практыцы выкарыстанне такога сродку плацяжу пры набыцці тавараў, работ, паслуг не атрымала шырокага распаўсюджвання, хоць такі сродак плацяжу мае шэраг пераваг у параўнанні з безнаяўнымі грашовымі сродкамі.

Прадугледжваецца, што сістэма разлікаў з выкарыстаннем электронных грошай дасць магчымасць пакупнікам праводзіць разлікі з суб'ектамі гаспадарання за набытыя тавары без выкарыстання банкаўскай плацежнай карткі. Рэгістрацыя фізічнай асобы ў сістэме разлікаў з выкарыстаннем электронных грошай будзе праводзіцца з дапамогай аўтэнтыфікацыі ў міжбанкаўскай сістэме ідэнтыфікацыі.

Выкарыстанне такога механізма мае наступныя перавагі: няма неабходнасці адлічэнняў замежным плацежным сістэмам Visa, MasterCard і інш.; кошт інфраструктуры для ажыццяўлення плацяжоў з дапамогай электронных грошай у некалькі разоў ніжэйшы ў параўнанні з інфраструктурай для аплаты з дапамогай банкаўскіх картак; кошт камісіі ніжэйшы ў параўнанні з камісіяй за плацяжы банкаўскімі карткамі.

Арганізатар грамадскага абмеркавання - Міністэрства па падатках і зборах. Заўвагі і прапановы можна выказаць у спецыяльнай тэме на Прававым форуме Беларусі або накіраваць арганізатару грамадскага абмеркавання з 11 па 21 верасня ўключна на электронны адрас: 202_3@nalog.gov.by з паметкай "Абмеркаванне праекта пастановы".-0-

Навіны рубрыкі Эканоміка
Фота з архіва Ураджай яблыкаў у бягучым годзе складзе амаль 155 тыс.т - Мінсельгасхарч
13 Верасень, 19:08
Новая рэдакцыя Падатковага кодэкса станоўча паўплывала на дзелавы клімат у Беларусі - Тарасевіч
13 Верасень, 15:01
Беларусь і Кітай выйшлі на аптымальную схему ўзаемадзеяння ў ваенна-тэхнічнай сферы - ДВПК
13 Верасень, 14:07
Фота з архіва Беларускім прадпрыемствам варта праяўляць большую актыўнасць для асваення рынку ААЭ - пасол
13 Верасень, 13:09
Урад зацвердзіў аб'ёмы рэалізацыі драўніны па-за біржай у 2020 годзе
13 Верасень, 11:13
Беларусь і Украіна на пасяджэнні групы высокага ўзроўню абмеркавалі ўзаемны гандаль і абарону рынку
13 Верасень, 10:38
Больш за 150 інавацыйных распрацовак прадставяць на Беларускім прамыслова-інвестыцыйным форуме
13 Верасень, 09:24
У Беларусі плануецца змяніць парадак рэалізацыі драўніны
12 Верасень, 18:40
Нацыянальнае агенцтва інвестыцый і прыватызацыі падрыхтавала атлас інвестпраектаў на $1,4 млрд
12 Верасень, 17:50
Поўная версія