Поўная версія

У Беларусі плануецца пашырыць пералік жывёл, што падлягаюць ідэнтыфікацыі і рэгістрацыі

Эканоміка 09.07.2019 | 16:17
Анжэла Боршч
Анжэла Боршч

9 ліпеня, Мінск /Кар. БЕЛТА/. Птушку, рыбу і пушных звяроў у Беларусі плануецца ўключыць у пералік жывёл, што падлягаюць ідэнтыфікацыі, рэгістрацыі і прасочвальнасці. Гэта прадугледжана праектам закона "Аб змяненні Закона Рэспублікі Беларусь "Аб ідэнтыфікацыі, рэгістрацыі, прасочвальнасці сельскагаспадарчых жывёл (статкаў), ідэнтыфікацыі і прасочвальнасці прадуктаў жывёльнага паходжання", паведаміла сёння журналістам дырэктар Цэнтра інфармацыйных сістэм у жывёлагадоўлі Анжэла Боршч у прэс-цэнтры БЕЛТА.

"Закон дапрацаваны, спадзяюся, у лістападзе гэтыя дапаўненні і змяненні будуць прыняты. У нас пашырыцца спектр рэгістрацыі жывёл. На гэты час мы рэгіструем пяць відаў жывёл: буйную рагатую жывёлу, свінней, авечак, коз, коней. У абноўленым законе дабавяцца новыя жывёлы - пушныя звяры, трусы, птушка, рыба і іншыя жывёлы-гідрабіёнты", - сказала Анжэла Боршч.

Цяпер ідэнтыфікавана і зарэгістравана ў дзяржаўнай інфармацыйнай сістэме ўсё пагалоўе буйной рагатай жывёлы, авечак, коз, коней і свіней, што знаходзяцца на жывёлагадоўчых аб'ектах Беларусі.

Дзяржаўная інфармацыйная сістэма ідэнтыфікацыі, рэгістрацыі, прасочвальнасці жывёл і прадукцыі жывёльнага паходжання (ДІС AITS) складаецца з трох інфасістэм: "AITS-Жывёлы", "AITS-Прасочвальнасць" і "AITS-Ветбяспека".

Цэнтр інфармацыйных сістэм у жывёлагадоўлі вядзе гэту сістэму, уносіць змяненні і дапаўненні ў інфармацыю, што ў ёй захоўваецца, аказвае на дагаворнай аснове паслугі па ідэнтыфікацыі і рэгістрацыі жывёл (статкаў). -0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
Учора 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
Учора 16:02
Мінтранс распрацоўвае генеральную схему развіцця прыдарожнага сэрвісу да 2025 года
Учора 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
Учора 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
Учора 14:13
Урад Беларусі прапануе Сусветнаму банку ўзгадніць дарожную карту рэформ у верасні
Учора 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія