Поўная версія

У Беларусі няма крытычнай сітуацыі са знешнім фінансаваннем - Зіноўскі

Эканоміка 14.03.2018 | 11:01
Уладзімір Зіноўскі. Фота з архіва
Уладзімір Зіноўскі. Фота з архіва

14 сакавіка, Мінск /Кар. БЕЛТА/. У Беларусі няма крытычнай сітуацыі са знешнім фінансаваннем. Аб гэтым сёння, адказваючы на пытанні журналістаў, заявіў міністр эканомікі Уладзімір Зіноўскі, перадае карэспандэнт БЕЛТА.

Беларускі бок, паводле слоў міністра, цесна працуе ў гэтым плане з Сусветным банкам, Еўрапейскім банкам рэканструкцыі і развіцця, кітайскімі фінансавымі структурамі і гэтак далей. "Адзіны недахоп, які хацелася б устараніць больш хуткімі тэмпамі, - гэта няхватка праектаў, якія мы маглі крэдытаваць", - звярнуў увагу міністр.

Што датычыцца новай праграмы з МВФ, то на гэты момант актыўнай работы па ёй не вядзецца, сказаў Уладзімір Зіноўскі. "Тым не менш мы працуем па IV артыкуле з МВФ, двойчы ў год удзельнічаем у яго пасяджэннях", - дадаў ён.

Міністр адзначыў, што заключэнне новай праграмы з МВФ стала б добрым пасылам усім інвестарам і міжнародным фінансавым арганізацыям. У Беларусі разумеюць, што для гэтага трэба зрабіць пэўныя крокі, у тым ліку па ўдасканаленні нацыянальнага заканадаўства.

Адной з умоў выхаду на такую праграму Уладзімір Зіноўскі назваў стапрацэнтную аплату насельніцтвам паслуг ЖКГ. "Але мы разумеем, што не можам разава пайсці на гэта", - падкрэсліў міністр. Ён растлумачыў, што для гэтага неабходны адпаведны ўзровень заработнай платы, грашовых даходаў дамашніх гаспадарак. Некаторыя краіны, якія маюць праграмы з МВФ, увялі поўную аплату паслуг ЖКГ, але на справе большай частцы насельніцтва гэта не па кішэні. У Беларусі па такім шляху ісці не хочуць.

Акрамя таго, трэба вырашыць шэраг пытанняў у рэальным сектары эканомікі, у тым ліку з запазычанасцю прадпрыемстваў.-0-

Навіны рубрыкі Эканоміка
Пагрузка гуманітарнай дапамогі. Фота з архіва Беларусь акажа гуманітарную дапамогу Сірыі амаль на Br1 млн
11:01
Пералік адміністратараў даходаў бюджэту зацверджаны ў Беларусі
10:40
Беларусь і Расія прадоўжаць зняцце бар'ераў і стварэнне ўмоў для роўнага доступу на рынкі - Румас
Учора 19:20
Маруднае вырашэнне важных для Беларусі праблемных пытанняў вядзе да дысбалансу ў гандлі з РФ - Румас
Учора 18:14
Пагадненне па візах з РФ будзе падпісана пасля правядзення ўнутрыдзяржаўных працэдур у Беларусі
Учора 18:04
Беларусь ацэньвае страты з-за падатковага манеўру ў РФ у 2019 годзе ў памеры Br630 млн
Учора 14:49
Беларуска-германская рабочая група правядзе ў Мінску пасяджэнне па гандлі і інвестыцыях
Учора 14:49
Кіраўнік Карэліі заявіў аб вялікім інтарэсе да супрацоўніцтва з Беларуссю і прапанаваў адкрыць прамы рэйс
Учора 14:03
У Беларусі пашырылі пералік тых, каго не будуць уключаць у базу даных не занятых у эканоміцы
Учора 10:33
Поўная версія