Поўная версія

Тыпавое палажэнне аб рэгіянальным савеце па развіцці прадпрымальніцтва зацверджана ў Беларусі

Эканоміка 10.09.2019 | 19:05

10 верасня, Мінск /Кар. БЕЛТА/. Тыпавое палажэнне аб абласным (раённым) савеце па развіцці прадпрымальніцтва зацверджана пастановай Савета Міністраў нумар 604 ад 9 верасня 2019 года, паведамляе БЕЛТА са спасылкай на Нацыянальны прававы інтэрнэт-партал.

Палажэннем устаноўлены парадак стварэння, мэты, задачы, правы і рэгламент работы абласнога (раённага) савета па развіцці прадпрымальніцтва.

Згодна з дакументам, рэгіянальны савет уяўляе сабой пастаянна дзеючы кансультатыўны і дарадчы орган пры абласным (раённым) выканкаме, створаны для ўзаемадзеяння дзелавых колаў з дзяржорганамі ў сферы падтрымкі і развіцця прадпрымальніцтва, аператыўнага вырашэння праблем функцыянавання бізнесу, якія знаходзяцца ў кампетэнцыі органаў мясцовага кіравання і самакіравання.

У пералік асноўных задач рэгіянальнага савета ўключаны разгляд комплексаў мерапрыемстваў па забеспячэнні рэалізацыі ў рэгіёне праграм малога і сярэдняга прадпрымальніцтва, выпрацоўка і пашырэнне ініцыятыў па актывізацыі прадпрымальніцкай дзейнасці і павышэнні ўкладу прыватнага бізнесу ў развіццё рэгіёна, аналіз практыкі функцыянавання прадпрымальніцтва ў рэгіёне, выяўленне характэрных праблем, выпрацоўка і прадстаўленне прапаноў аб іх сістэмным вырашэнні ў Савет па развіцці прадпрымальніцтва. У задачы савета ўваходзіць таксама разгляд спрэчных пытанняў і канфліктных сітуацый, што ўзнікаюць паміж суб'ектамі прадпрымальніцкай дзейнасці і мясцовымі выканаўчымі і распарадчымі органамі, выпрацоўка і пашырэнне мер па іх вырашэнні, павышэнне ўзроўню прававой культуры і дзелавой этыкі прадпрымальнікаў, фарміраванне навыкаў вырашэння праблемных пытанняў з дапамогай публічнага абмеркавання і дыялогу.

Прадугледжваецца, што дзейнасць рэгіянальнага савета ажыццяўляецца на грамадскіх пачатках.

Пастанова ўступае ў сілу пасля афіцыйнага апублікавання.-0-

Навіны рубрыкі Эканоміка
Фота з архіва Ураджай яблыкаў у бягучым годзе складзе амаль 155 тыс.т - Мінсельгасхарч
13 Верасень, 19:08
Новая рэдакцыя Падатковага кодэкса станоўча паўплывала на дзелавы клімат у Беларусі - Тарасевіч
13 Верасень, 15:01
Беларусь і Кітай выйшлі на аптымальную схему ўзаемадзеяння ў ваенна-тэхнічнай сферы - ДВПК
13 Верасень, 14:07
Фота з архіва Беларускім прадпрыемствам варта праяўляць большую актыўнасць для асваення рынку ААЭ - пасол
13 Верасень, 13:09
Урад зацвердзіў аб'ёмы рэалізацыі драўніны па-за біржай у 2020 годзе
13 Верасень, 11:13
Беларусь і Украіна на пасяджэнні групы высокага ўзроўню абмеркавалі ўзаемны гандаль і абарону рынку
13 Верасень, 10:38
Больш за 150 інавацыйных распрацовак прадставяць на Беларускім прамыслова-інвестыцыйным форуме
13 Верасень, 09:24
У Беларусі плануецца змяніць парадак рэалізацыі драўніны
12 Верасень, 18:40
Нацыянальнае агенцтва інвестыцый і прыватызацыі падрыхтавала атлас інвестпраектаў на $1,4 млрд
12 Верасень, 17:50
Поўная версія