Поўная версія

Сярэдняя зарплата ў Беларусі ў маі склала Br1071,6

Эканоміка 25.06.2019 | 10:38
Фота з архіва
Фота з архіва

25 чэрвеня, Мінск /Кар. БЕЛТА/. Намінальная налічаная сярэдняя заработная плата работнікаў Беларусі ў маі бягучага года склала Br1071,6, паведамілі БЕЛТА ў Нацыянальным статыстычным камітэце.

У красавіку бягучага года сярэдняя зарплата была на ўзроўні Br1073,7.

Сталіца ў разрэзе рэгіёнаў традыцыйна лідзіруе па гэтым паказчыку: сярэдняя зарплата работнікаў Мінска за май сфарміравалася ў памеры Br1472 (тэмп росту да мая мінулага года - 105,7 працэнта). У Мінскай вобласці яна склала Br1102 (108,4 працэнта), у Гомельскай - Br968,4 (107,3 працэнта), у Гродзенскай - Br926,2 (105,7 працэнта), у Брэсцкай - Br918,8 (106,3 працэнта), у Віцебскай - Br908,3 (105,1 працэнта), у Магілёўскай - Br884,1 (104,3 працэнта).

У цэлым па рэспубліцы рэальная заработная плата (заработная плата, разлічаная з улікам росту спажывецкіх цэн на тавары і паслугі) у студзені-маі ў параўнанні з адпаведным перыядам 2018 года ўзрасла на 7,9 працэнта.

Больш за ўсё ў мінулым месяцы атрымлівалі работнікі такіх сфер, як інфармацыйныя тэхналогіі і дзейнасць у галіне інфармацыйнага абслугоўвання (Br4119,1), пасажырскі паветраны транспарт (Br3794,6), дапаможная дзейнасць у сферы фінансавых паслуг і страхавання (Br2554), вытворчасць хімічных прадуктаў (Br2145,5), горназдабыўная прамысловасць (Br1865,9).

Менш за ўсё налічана работнікам цырульняў і салонаў прыгажосці (Br582,2), бібліятэк, архіваў, музеяў і іншых устаноў у галіне культуры (Br590,4), тым, хто займаецца доглядам у спецыялізаваных установах і прадастаўленнем сацыяльных паслуг (Br603,3) і працуе ў сферы творчай дзейнасці (Br630,7).-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
Учора 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
Учора 16:02
Мінтранс распрацоўвае генеральную схему развіцця прыдарожнага сэрвісу да 2025 года
Учора 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
Учора 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
Учора 14:13
Урад Беларусі прапануе Сусветнаму банку ўзгадніць дарожную карту рэформ у верасні
Учора 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія