Поўная версія

Сітуацыя з экспартам павінна быць выпраўлена ў I паўгоддзі - Румас

Эканоміка 22.05.2019 | 12:21
Сяргей Румас
Сяргей Румас

22 мая, Мінск /Кар. БЕЛТА/. Сітуацыя з экспартам павінна быць выпраўлена ў I паўгоддзі, заявіў прэм'ер-міністр Беларусі Сяргей Румас сёння на пасяджэнні Савета Міністраў аб выніках сацыяльна-эканамічнага развіцця, перадае карэспандэнт БЕЛТА.

У I квартале выканана 6 з 7 важнейшых параметраў прагнозу сацыяльна-эканамічнага развіцця. Не выкананы толькі паказчык па экспарце тавараў і паслуг (98,1 працэнта пры заданні 100,5 працэнта), аднак па рэзультатах I паўгоддзя трэба выправіць сітуацыю. "Падпісана распараджэнне аб устанаўленні персанальнай адказнасці прэм'ер-міністра за рост эканомікі за кошт знешніх фактараў і за выкананне паказчыкаў па экспарце. Мы ў бліжэйшы час установім алгарытм, як мы будзем працаваць па экспарце, каб тыя міністэрствы, дзяржорганы, пасольствы, якія не выконваюць гэты паказчык, штомесяц адчувалі напружанне, і па выніках паўгоддзя мы ўвайшлі ва ўстаноўленыя заданні", - сказаў Сяргей Румас.

За студзень-сакавік экспарт тавараў знізіўся на $250 млн - гэта на 3,2 працэнта ніжэй, чым у аналагічным перыядзе 2018 года. Знізіліся аб'ёмы экспарту прадуктаў нафтаперапрацоўкі, грузавых аўтамабіляў, машын для ўборкі сельгаскультур, электрычных трансфарматараў. "Істотна прыраслі па экспарце паслуг у IT-сферы - 30 працэнтаў, дабавілі ў сферы транспартных паслуг 2,5 працэнта. Разам з тым правалілі па іншых пазіцыях. Як, напрыклад, па будаўнічых, інжынерных і архітэктурных паслугах - зніжэнне склала 1,5 раза", - канстатаваў прэм'ер-міністр.

У цэлым рост эканомікі ў бягучым годзе забяспечаны пры захаванні макраэканамічнай збалансаванасці. Узровень інфляцыі ўтрымліваецца ў межах запланаваных значэнняў, забяспечана дадатнае сальда знешняга гандлю ($433 млн у I квартале).

Рэспубліканскі бюджэт выконваецца, як і было запланавана. "Абавязацельствы ўрада ў замежнай валюце выкананы своечасова і ў поўным аб'ёме", - падкрэсліў прэм'ер-міністр. Пры гэтым золатавалютныя рэзервовыя актывы краіны павялічыліся на $0,4 млрд і на 1 мая склалі $7,6 млрд. Паводле ацэнкі кіраўніка ўрада, стабільна функцыянуе ўнутраны валютны рынак.

ВУП Беларусі за чатыры месяцы 2019 года вырас на 1,4 працэнта - гэта адпавядае прагнозу, па I паўгоддзі неабходна забяспечыць рост на 1,8 працэнта. Пакуль "тармозіць" сельская гаспадарка (99,4 працэнта да аналагічнага перыяду мінулага года) і ўсё, што звязана са спажываннем газу, электра- і цеплаэнергіі (98 працэнтаў). "Калі па энергетыцы гэта зразумела і ў прынцыпе нядрэнна (для эканомікі гэта ў цэлым зніжэнне энергазатрат), то міністра сельскай гаспадаркі і харчавання прашу далажыць аб сітуацыі ў вёсцы. Спрыяльныя ўмовы надвор'я і як ніколі арганізавана праведзеная веснавая палявая кампанія даюць магчымасць разлічваць на сур'ёзную аддачу ад сельскай гаспадаркі", - рэзюмаваў Сяргей Румас.-0-

Навіны рубрыкі Эканоміка
Фота Pixabay Рост ВУП на 2,8 працэнта і экспарту на 3,6 працэнта - урад дапрацаваў прагнозныя дакументы на 2020 год
19:43
Мінэканомікі: у Беларусі няма канцэптуальных рознагалоссяў з СБ па падрыхтоўцы дарожнай карты
19:30
Цэнтрабанкі Беларусі і РФ прапрацуюць стварэнне ІТ-платформы для здзелак па гандлёвым фінансаванні
19:09
Сяргей Румас Беларусь гатова ўдзельнічаць у будаўніцтве аб'ектаў і пастаўляць тэхніку ў Наўгародскую вобласць
18:40
У Беларусі засталося ўбраць 4,3 працэнта плошчаў бульбы і 27,5 працэнта агародніны
10:53
Снапкоў: Беларусь за няпоўныя 30 гадоў прайшла ўнікальны шлях эканамічнай трансфармацыі
09:00
Фота з архіва Нацбанк: інфляцыя ў Беларусі да канца года стабілізуецца паблізу 5 працэнтаў
Учора 17:06
Стратэгію развіцця нафтахімічнага комплексу-2030 плануецца вызначыць да канца года
Учора 16:10
Наўгародскія аграрыі галасуюць за беларускую тэхніку - губернатар расійскага рэгіёна
Учора 15:52
Поўная версія