Поўная версія

Румас: Беларусь не мае вялікіх праблем у гандлі сельгаспрадукцыяй на ўнутраным і знешніх рынках

Эканоміка 21.05.2019 | 17:20
Фота з архіва
Фота з архіва

21 мая, Мінск /Кар. БЕЛТА/. Беларусь не мае вялікіх праблем у гандлі сельгаспрадукцыяй на унутраным і знешніх рынках. Аб гэтым заявіў сёння журналістам прэм'ер-міністр Сяргей Румас па выніках нарады ў Прэзідэнта Беларусі Аляксандра Лукашэнкі па актуальных пытаннях эканомікі, перадае карэспандэнт БЕЛТА.

"Ёсць пералік прадпрыемстваў, якія, на жаль, закрыты для паставак у Расійскую Федэрацыю. Але калі мы паглядзім на гэту праблему з іншага боку, то сёння запасы па асноўных гандлёвых групах прадуктаў харчавання ў Рэспубліцы Беларусь складаюць ад 20 працэнтаў да 25 працэнтаў", - сказаў Сяргей Румас.

Іншымі словамі, адзначыў прэм'ер-міністр, уся сельскагаспадарчая прадукцыя, што вырабляецца ў Беларусі, прадаецца на знешніх або на ўнутраным рынку. "Мы будзем прадаўжаць працаваць над тым, каб прадпрыемстваў, закрытых (для паставак. - Заўвага БЕЛТА) на тэрыторыю Расійскай Федэрацыі, не было, але з пункту гледжання гандлю гэтымі таварамі ў нас вялікіх праблем няма. Па многіх відах тавараў сёння на складах практычна нічога няма, уся прадукцыя прадаецца", - звярнуў ён увагу.

Кіраўнік урада падкрэсліў, што Беларусь узнімае праблему, звязаную з наяўнасцю бар'ераў у гандлі з Расіяй, не толькі на двухбаковых перагаворах, але і на пляцоўцы Еўразійскага эканамічнага саюза. У канцы красавіка ў Ерэване адбылося пасяджэнне міжурадавага савета ЕАЭС, на якім беларускаму боку ўдалося адстаяць сваю пазіцыю, і Расія зняла сектаральныя абмежаванні на пастаўку прадукцыі.

"Мы дамовіліся, што ніводная з краін не мае права закрываць свой рынак сектаральна для прадукцыі з іншай краіны. Калі ёсць прэтэнзіі да якога-небудзь канкрэтнага прадпрыемства, нашы адпаведныя службы павінны адпрацоўваць механізмы і прымаць меры. Але закрываць цэлы сектар, цэлую галіну ніводная з краін не мае права. Усе з гэтым пагадзіліся", - рэзюмаваў Сяргей Румас.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
19 Ліпень, 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
19 Ліпень, 16:02
Мінтранс распрацоўвае генеральную схему развіцця прыдарожнага сэрвісу да 2025 года
19 Ліпень, 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
19 Ліпень, 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
19 Ліпень, 14:13
Урад Беларусі прапануе Сусветнаму банку ўзгадніць дарожную карту рэформ у верасні
19 Ліпень, 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія