Поўная версія

Правілы аўтамабільных перавозак грузаў зменены ў Беларусі

Эканоміка 08.02.2016 | 16:03

8 лютага, Мінск /Кар. БЕЛТА/. Правілы аўтамабільных перавозак грузаў зменены ў Беларусі пастановай Савета Міністраў нумар 102 ад 5 лютага, паведамілі БЕЛТА ў прэс-службе ўрада.

"У дакуменце выкладзены ў новай рэдакцыі пункты 15, 22 і 340 Правіл аўтамабільных перавозак грузаў у мэтах вызначэння асобна для аўтамабільнага перавозчыка і грузаадпраўшчыка пераліку дакументаў, якія яны павінны прадаставіць вадзіцелю для выканання аўтамабільных перавозак грузаў", - растлумачылі спецыялісты. Таксама дапоўнены пункт, што прадугледжвае выпадкі, пры якіх выкананне аўтамабільнай перавозкі грузаў дапускаецца без афармлення таварна-транспартнай накладной.

Форма таварнай накладной і парадак яе афармлення вызначаны Інструкцыяй па запаўненні тыпавых форм першасных уліковых дакументаў ТТН-1 "Таварна-транспартная накладная" і ТН-2 "Таварная накладная", зацверджанай Мінфінам у 2008 годзе. Бланк таварнай накладной формы ТН-2 з'яўляецца першасным уліковым дакументам, у якім змешчаны вартасныя паказчыкі перавозімага тавару. "Нарматыўнае замацаванне афармлення таварнай накладной ТН-2 замест таварна-транспартнай накладной ТТН-1 у якасці суправаджальнага дакумента на груз пры экспарце тавараў не будзе супярэчыць патрабаванням раздзела II "Парадак прымянення ўскосных падаткаў пры экспарце тавараў" пратакола аб парадку спагнання ўскосных падаткаў і механізме кантролю за іх выплатай пры экспарце і імпарце тавараў, выкананні работ, аказанні паслуг, што з'яўляецца дадаткам 18 да дагавора аб Еўразійскім эканамічным саюзе", - звярнулі ўвагу спецыялісты.

Акрамя таго, у правілы дабаўлена норма, якая выключае абавязак аўтамабільнага перавозчыка правяраць паўнату і правільнасць аформленых грузаадпраўшчыкам дакументаў на груз. "Гэта дапаўненне неабходна для выключэння выпадкаў неабгрунтаванага прыцягнення перавозчыкаў да адказнасці за адсутнасць або няправільнае афармленне грузасуправаджальных дакументаў", - удакладнілі ў прэс-службе.

У пастанове канкрэтызаваны абавязак грузаадпраўшчыка па афармленні і прадстаўленні перавозчыку транспартных і грузасуправаджальных дакументаў. Таксама ўнесены змяненні ўдакладняючага характару ў нормы аб адказнасці грузаадпраўшчыка, звязаныя з гэтым абавязкам.

Пастанова нумар 102 уступае ў сілу праз месяц пасля яе афіцыйнага апублікавання, за выключэннем другога пункта, які ўступае ў сілу з дня прыняцця дакумента.-0-

Навіны рубрыкі Эканоміка
Сяргей Румас у час сустрэчы Расійскі экспартны цэнтр гатоў падтрымаць беларускія прадпрыемствы ў асваенні рынкаў трэціх краін
14:44
Больш за 40 працэнтаў расходаў бюджэту на эканоміку Беларусі ў І паўгоддзі пайшло на сельскую гаспадарку
12:11
Міжнародная экалагічная экспедыцыя завяршыла на БелАЭС замеры "нулявога фону"
12:00
У час пасяджэння Зніжэнне дзярждоўгу і навацыі для бюджэту - якой будзе праграма кіравання дзяржфінансамі да 2025 года
10:34
"Беларуснафта" плануе павялічыць здабычу нафты на 20 тыс. т па выніках года
Учора 15:46
Беларусь у I паўгоддзі сэканоміла 442,2 тыс. т умоўнага паліва дзякуючы энергазберажэнню
Учора 13:29
Фота з архіва Міністры эканомікі ЕАЭС прапанавалі распрацаваць стратэгію пашырэння экспарту на знешнія рынкі
Учора 12:27
У Беларусі засталося ўбраць менш за 9 працэнтаў плошчы збожжавых
Учора 09:52
Белкаапсаюз: у лідарах па нарыхтоўцы агародніны Брэсцкая вобласць, яблыкаў - Магілёўская
Учора 09:42
Поўная версія