Поўная версія

Прадпрыемствы аграсэрвісу павінны прапаноўваць поўны комплекс паслуг для АПК - Гракун

Эканоміка 11.09.2019 | 15:38
Уладзімір Гракун. Фота з архіва
Уладзімір Гракун. Фота з архіва

11 верасня, Гомель /Кар. БЕЛТА/. Прадпрыемствы аргасэрвісу павінны прапаноўваць поўны комплекс паслуг для сферы АПК. Такую задачу абазначыў намеснік міністра сельскай гаспадаркі і харчавання Беларусі Уладзімір Гракун у час выязнога пасяджэння савета рэспубліканскага аб'яднання "Белаграсэрвіс" у Гомельскім раёне, перадае карэспандэнт БЕЛТА.

На думку Уладзіміра Гракуна, цяпер служба аграсэрвісу выходзіць на новы ўзровень. "Важна зрабіць усё неабходнае, каб прадстаўнікі сельскагаспадарчых прадпрыемстваў маглі звярнуцца ў спецыялізаваную сэрвісную арганізацыю і правесці любыя віды работ: ад рамонту тэхнікі і агрэгатаў да пастаўкі запасных частак, мінеральных угнаенняў і сродкаў аховы раслін", - дадаў ён.

Актывізацыя дзейнасці сістэмы сэрвіснай службы аграпрамысловага комплексу праходзіць у святле патрабаванняў указа нумар 40 ад 27 студзеня 2003 года "Аб удасканаленні кіравання арганізацыі АПК". Паводле слоў намесніка міністра, сёння на поле выходзіць сучасная тэхніка, набываецца перадавое абсталяванне для МТФ. Арганізацыям аграсэрвісу неабходна ўмацаваць пазіцыі ў гэтай нішы, прадастаўляць паслугі на высокім узроўні, апярэджваючы гібкія камерцыйныя структуры. "Важна наладзіць работу так, каб гэта было зручна і прадстаўнікам сельскай гаспадаркі, і фермерам, а таксама рэнтабельна для сэрвіснай службы краіны. Арганізацыі аграсэрвісу павінны выконваць пастаўленыя перад імі задачы ў поўным аб'ёме і ў абазначаныя тэрміны", - падкрэсліў ён.

Парадак дня выязнога пасяджэння сфарміраваны з улікам практычных напрацовак і вопыту Гомельскай вобласці. Удзельнікі азнаёміліся з базай матэрыяльна-тэхнічнага забеспячэння ААТ "Гомельаблаграсэрвіс", уключаючы сучасныя агрэгаты і тэхніку, а таксама лінейку абсталявання з музейнай экспазіцыі прадпрыемства. Кожны з прадстаўленых экспанатаў дзеючы і падтрымліваецца ў спраўным стане. У праграме таксама наведванне і азнаямленне з алгарытмам тэхнічнага абслугоўвання абсталявання даільных залаў МТФ ААТ "Гомельская ПТФ" і КСУП "Брылёва". Будуць прадэманстраваны магчымасці рамонтнай базы ААТ "Гомельаблаграсэрвіс".-0-

Навіны рубрыкі Эканоміка
Поўная версія