Поўная версія

Пашыраны пералік юрыдычных асоб і ІП, для якіх у 2019 годзе дзейнічаюць зніжаныя тарыфы на прыродны газ

Эканоміка 10.07.2019 | 16:14

10 ліпеня, Мінск /Кар. БЕЛТА/. Пералік юрыдычных асоб і індывідуальных прадпрымальнікаў, для якіх у 2019 годзе дзейнічаюць зніжаныя тарыфы на прыродны газ, дапоўнены. Гэта вынікае з пастановы Міністэрства антыманапольнага рэгулявання і гандлю нумар 55 ад 27 чэрвеня 2019 года, якая сёння афіцыйна апублікавана на Нацыянальным прававым інтэрнэт-партале, паведамляе карэспандэнт БЕЛТА.

Так, у гэты пералік уключаны юрыдычныя асобы і індывідуальныя прадпрымальнікі, асноўным відам дзейнасці якіх з'яўляецца вытворчасць "іншых вырабаў з паперы і кардону". Цана за 1 тыс.куб.м прыроднага газу для іх складзе Br388,76.

Пастанова ўступіць у сілу з 1 жніўня бягучага года.

Як паведамлялася, у студзені 2019 года МАРГ прыняў пастанову, якой вызначыў цэны на прыродны газ за 1 тыс.куб.м без ПДВ для спажыўцоў рэальнага сектара эканомікі на гэты год. Так, цэны на яго для юрыдычных асоб і індывідуальных прадпрымальнікаў зніжаны з Br550,49 (у 2018 годзе) да Br533,72 (пры курсе беларускага рубля да долара ЗША на 1 студзеня 2019 года ў памеры Br2,1598); у доларавым эквіваленце - з $275,87 да $247,12 за 1 тыс. куб.м адпаведна.

Таксама пастановай прадугледжана дадатковае паніжэнне дыферэнцыраваных цэн на прыродны газ для асобных энергаёмістых груп спажыўцоў рэальнага сектара эканомікі з $185,245 да $180 за 1 тыс. куб.м (у эквіваленце), у тым ліку для вытворцаў агародніны закрытага грунту, цэменту, сценавых блокаў, цэглы, чарапіцы і іншых будаўнічых вырабаў з абпаленай гліны, керамічных пакрыццяў і пліт, гаспадарчых керамічных вырабаў, іншых неметалічных мінеральных прадуктаў, не ўключаных у іншыя групоўкі, іншых асноўных неарганічных хімічных рэчываў, паперы і кардону, гафрыраванай паперы і кардону, папяровай і кардоннай тары.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
19 Ліпень, 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
19 Ліпень, 16:02
Мінтранс распрацоўвае генеральную схему развіцця прыдарожнага сэрвісу да 2025 года
19 Ліпень, 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
19 Ліпень, 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
19 Ліпень, 14:13
Урад Беларусі прапануе Сусветнаму банку ўзгадніць дарожную карту рэформ у верасні
19 Ліпень, 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія