Поўная версія

Падыходы да правядзення ў Беларусі турвыставак могуць змяніць

Эканоміка 10.10.2019 | 14:16
У час работы выстаўкі. Фота з архіва
У час работы выстаўкі. Фота з архіва

10 кастрычніка, Мінск /Кар. БЕЛТА/. У Беларусі могуць змяніцца падыходы да правядзення турыстычных выставак, паведаміў журналістам дырэктар Нацыянальнага агенцтва па турызме Валерый Парашчанка, перадае карэспандэнт БЕЛТА.

Паводле слоў Валерыя Парашчанкі, існуе некалькі меркаванняў па гэтым пытанні. Некаторыя эксперты лічаць, што ў рэспубліцы не трэба арганізоўваць два такія маштабныя мерапрыемствы ў год. Такая практыка, акрамя Беларусі, прымяняецца толькі ў Расіі.

"Магчыма, у наступным годзе збяром экспертную супольнасць, усіх прадстаўнікоў турбізнесу, каб прыняць узважанае рашэнне - ці патрэбна праводзіць штогод дзве выстаўкі, калі так, то ў якім фармаце", - адзначыў ён.

У тым ліку будзе абмяркоўвацца прапанова па арганізацыі турыстычнага форуму як больш эфектыўнай пляцоўкі для дыялогу.

Валерый Парашчанка дадаў, што ў гэтым годзе 26-я міжнародная турыстычная выстаўка "Турбізнес-2019", якая праходзіла з 25 па 27 верасня ў Мінску, ужо крыху змяніла фармат. Зроблены акцэнт на развіцці ўнутранага турызму, знаёмстве гасцей з турыстычнымі магчымасцямі рэгіёнаў.

Традыцыйна ў Беларусі турыстычныя выстаўкі праходзяць восенню і вясной. Гэта міжнародны вясенні кірмаш турыстычных паслуг "Адпачынак" і міжнародная турыстычная выстаўка "Турбізнес".-0-

Навіны рубрыкі Эканоміка
Поўная версія