ДЗЯРЖОРГАНЫДЗЯРЖОРГАНЫ
Нядзеля, 5 красавіка 2020
Мінск Пераменная воблачнасць +9°C
Усе навіны
Усе навіны
Эканоміка
24 лютага 2020, 09:00

Новыя вытворчасці і барацьба за любоў пакупніка - Назараў абазначыў задачы "Беллеспаперапрама"

Фота з архіва
Фота з архіва

24 лютага, Мінск /Кар. БЕЛТА/. Перапрацоўка макулатуры, развіццё мэблевых вытворчасцей і адначасова фарміраванне пазітыўнага вобразу адпаведнага тавару беларускай вытворчасці ва ўласнага спажыўца - такі рэцэпт эфектыўнага выкарыстання драўнянай сыравіны. Гэта старшыня канцэрна "Беллеспаперапрам" Юрый Назараў агучыў у эфіры праграмы "Тыдзень" на тэлеканале СТБ, паведамляе БЕЛТА.

Прэзідэнт Беларусі Аляксандр Лукашэнка пры наведванні Светлагорскага ЦКК падкрэсліў важнасць перапрацоўкі лясных рэсурсаў у сябе ў краіне, каб не прадаваць драўніну за мяжу за бясцэнак. На думку Юрыя Назарава, нарматыўная база для таго, каб такога не адбывалася, у асноўным сфарміравана, але прадаўжае ўдасканальвацца. Напрыклад, ідзе работа над унясеннем змяненняў у пастанову ўрада аб продажы макулатуры. Прапануецца ўнесці яе ў пералік тавараў, здзелкі па якіх юрыдычныя асобы і індывідуальныя прадпрымальнікі абавязаны заключаць на біржавых таргах ААТ "Беларуская ўніверсальная таварная біржа". І гэта толькі адзін са шляхоў павелічэння перапрацоўкі сыравіны ўнутры краіны.

"Для таго каб не вывозіць кругляк, трэба ствараць вытворчасці ў сябе. Прэзідэнт абсалютна правільна сказаў у Светлагорску: экспартуем цэлюлозу, а гэта сыравіна. Але мы сёння экспартуем і пліту, якую атрымалі на мадэрнізаваных вытворчасцях. Таму трэба і пліту пастарацца перапрацаваць тут. У што? У мэблю. Зразумела, што не ўсё так проста. Рынкі - яны ж заняты. Але ў нас ёсць добрыя прыклады. "Івацэвічыдрэў", маючы ўласную плітную вытворчасць, цяпер актыўна развівае мэблевую вытворчасць. Мы сёння вырабляем амаль на Br5 млн мэблі ў Івацэвічах, выкарыстоўваючы ўласную пліту. І плануем вырасці ў аб'ёмах да Br30-35 млн у бліжэйшыя два гады. Для гэтага закупляем абсталяванне, ствараем дадатковыя рабочыя месцы", - падзяліўся планамі Юрый Назараў.

У роўнай ступені трэба быць арыентаванымі і на замежныя рынкі. Але для пачатку важна паспяхова канкурыраваць у сябе ў краіне з раскручанымі замежнымі брэндамі, тым больш што цана і якасць спакойна гэта дазваляюць. "Прэзідэнт сказаў у Светлагорску, што стварэнне новых вытворчасцей на тэрыторыі рэспублікі - гэта і ёсць патрыятызм", - акцэнтаваў кіраўнік "Беллеспаперапрама".

У план інвестыцыйных праектаў на бягучы год уключана стварэнне невялікай пелетнай вытворчасці ў СЭЗ "Віцебск", што дасць магчымасць уключыць у абарот тую драўніну, якая ў нас не выкарыстоўваецца. "Пелетная вытворчасць у Віцебску будзе сарыентавана на вытворчасць індустрыяльных гранул. І якраз з сыравіны будзе задзейнічана ў асноўным асіна, - сказаў Юрый Назараў. - 2020 год у нас - праектаванне і будаўніцтва. З 2021 года пачынаем выпуск індустрыяльных гранул".

Старшыня канцэрна таксама пазітыўна глядзіць на перспектывы паступовага пераходу на папяровую ўпакоўку ў Беларусі. Магутнасці беларускіх прадпрыемстваў, якія яе вырабляюць, загружаны на 30-40 працэнтаў. Такія мяшкі і пакеты пастаўляюцца ў асноўным у краіны Балтыі, Еўрапейскі саюз. Сярод айчынных заказчыкаў цікавасць невялікая - прадукцыя даражэйшая ў параўнанні з пластыкавымі пакетамі. Але з павелічэннем аб'ёмаў заказаў і, адпаведна, вытворчасці будзе зніжацца і сабекошт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі