Поўная версія

Новая мадэль БелАЗа грузападымальнасцю 290 т праходзіць выпрабаванні на Кузбасе

Эканоміка 15.08.2019 | 10:36
Фота з архіва
Фота з архіва

15 жніўня, Мінск /Кар. БЕЛТА/. У разрэзе "Бярозаўскі" на Кузбасе праходзіць прамысловыя выпрабаванні новая мадэль кар'ернага самазвала - БелАЗ-75320 грузападымальнасцю 290 т, паведамілі БЕЛТА ў прэс-службе беларускага аўтавытворцы.

За два месяцы работы машына перавезла звыш 270 тыс. куб. м раскрыўнай пароды. Адной з важных яе пераваг з'яўляецца магчымасць эксплуатацыі ва ўжо існуючых тэхналагічных умовах. Павышэнне грузападымальнасці павялічвае прадукцыйнасць і скарачае сабекошт здабычы і перавозкі горных парод.

Самазвал БелАЗ-75320 аснашчаны рухавіком магутнасцю 2850 конскіх сіл. У адпаведнасці з патрабаваннямі бяспекі еўрапейскага стандарту праведзена капатаванне маторнага адсека, якое засцерагае яго ад несанкцыянаванага доступу. Добрая манеўранасць і плаўнасць ходу дасягаюцца за кошт аптымальна падабраных геаметрычных параметраў машыны і рулявога кіравання. Падвеска з убудаваным амартызатарам забяспечвае паглынанне ўдарных нагрузак, устойлівасць ад бакавога нахілу, даўгавечнасць службы рамы.

На палубу вядзе дыяганальная лесвіца з проціслізготнай паверхняй прыступак. Двухмесная кабіна аператара павышанай камфартабельнасці аснашчана гідрааб'ёмным рулявым кіраваннем, інфармацыйным вадкакрысталічным дысплэем на прыборнай панэлі. Вялікая плошча шклення кабіны і сістэма відэаагляду забяспечваюць аптымальную бачнасць дарогі.

У прэс-службе адзначылі, што Кузбас невыпадкова выбраны для выпрабавання новага 290-тонніка. Гэта лідар вуглездабывальнай галіны, дзе такая тэхніка вельмі запатрабавана. Тут працуюць ужо больш за 2,5 тыс. кар'ерных самазвалаў грузападымальнасцю 30-450 т. Месцам эксплуатацыі БелАЗ-75320 стаў разрэз "Бярозаўскі" (ЗАТ "Будсэрвіс"). Выпрабаванні праводзяцца сумесна з афіцыйным прадстаўніком Беларускага аўтамабільнага завода ў рэгіёне - кампаніяй "БелАЗ-24", якая забяспечвае поўнае сэрвіснае суправаджэнне.-0-

Навіны рубрыкі Эканоміка
Фота Pixabay Рост ВУП на 2,8 працэнта і экспарту на 3,6 працэнта - урад дапрацаваў прагнозныя дакументы на 2020 год
18 Кастрычнік, 19:43
Мінэканомікі: у Беларусі няма канцэптуальных рознагалоссяў з СБ па падрыхтоўцы дарожнай карты
18 Кастрычнік, 19:30
Цэнтрабанкі Беларусі і РФ прапрацуюць стварэнне ІТ-платформы для здзелак па гандлёвым фінансаванні
18 Кастрычнік, 19:09
Сяргей Румас Беларусь гатова ўдзельнічаць у будаўніцтве аб'ектаў і пастаўляць тэхніку ў Наўгародскую вобласць
18 Кастрычнік, 18:40
У Беларусі засталося ўбраць 4,3 працэнта плошчаў бульбы і 27,5 працэнта агародніны
18 Кастрычнік, 10:53
Снапкоў: Беларусь за няпоўныя 30 гадоў прайшла ўнікальны шлях эканамічнай трансфармацыі
18 Кастрычнік, 09:00
Фота з архіва Нацбанк: інфляцыя ў Беларусі да канца года стабілізуецца паблізу 5 працэнтаў
17 Кастрычнік, 17:06
Стратэгію развіцця нафтахімічнага комплексу-2030 плануецца вызначыць да канца года
17 Кастрычнік, 16:10
Наўгародскія аграрыі галасуюць за беларускую тэхніку - губернатар расійскага рэгіёна
17 Кастрычнік, 15:52
Поўная версія