Поўная версія

Наведвальнікі кірмашоў беларускіх тавараў у Маскве купілі прадукцыі на Br1 млн

Эканоміка 16.10.2017 | 16:16

16 кастрычніка, Мінск /Надзея Мацвеева - БЕЛТА/. На кірмашах "Мінск - масквічам", якія прайшлі ў расійскай сталіцы на дзвюх пляцоўках у час Дзён Мінска ў Маскве, прададзена беларускіх тавараў на Br1 млн, паведаміў сёння на аператыўнай нарадзе ў мэрыі старшыня камітэта эканомікі Мінгарвыканкама Мікалай Рагашчук, перадае карэспандэнт БЕЛТА.

Так, на плошчы Рэвалюцыі 10-15 кастрычніка ў 67 драўляных шале, выдзеленых урадам Масквы, свае тавары прадставілі прадпрыемствы лёгкай, харчовай прамысловасці, грамадскага харчавання, рамеснікі.

Наведвальнікі маглі купіць мясную, малочную прадукцыю, каўбасныя, кандытарскія вырабы, мёд, варэнне, джэмы, чай, а таксама бліжэй азнаёміцца з прадукцыяй такіх прадпрыемстваў, як "Мінскхлебпрам", "Камунарка", "Белрыба", "Мінская агароднінная фабрыка", "Беліта-Вітэкс", Мінскі гадзіннікавы завод "Луч".

КУП "ГЦ Радзівілаўскі", КСУП "Бізнес-цэнтр "Сталіца", ААТ "Мінскі камбінат хлебапрадуктаў" частавалі стравамі беларускай нацыянальнай кухні. Мінскія ўнівермагі ГУМ і "Беларусь" прапаноўвалі сувенірную прадукцыю, галантарэйныя і парфумерна-касметычныя тавары. Народныя ўмельцы прывезлі каваныя і керамічныя, ільняныя, скураныя вырабы, плеценыя прадметы з лазы і саломкі.

У гэтыя ж дні кірмашовыя мерапрыемствы былі арганізаваны на вул. Прафсаюзнай, 41 каля станцыі метро "Новыя Чаромушкі", дзе прадукцыю прадставілі "Серж-Фэшн", "Галантэя", "Надэкс", "Луч", "Марко", "Камунарка". Адначасова выстаўка-продаж тавараў беларускіх вытворцаў прайшла на тэрыторыі ВДНГ.

Цеснае супрацоўніцтва паміж двума гарадамі ажыццяўляецца з 2012 года - у сталіцы Расіі на пастаяннай аснове праходзяць Дні Мінска, а ў сталіцы Беларусі - Дні Масквы. Масква і Мінск актыўна развіваюць узаемаадносіны ў розных сферах: ад гандлёвай і эканамічнай да сацыяльнай і культурнай. Так, расійская сталіца займае першае месца ў агульным аб'ёме экспарту тавараў камунальных прадпрыемстваў Мінска ў Расійскую Федэрацыю. Паміж Беларуссю і Масквой рэалізуецца план праграмных мерапрыемстваў па развіцці гандлёва-эканамічнага, навукова-тэхнічнага, гуманітарна-культурнага і сацыяльнага супрацоўніцтва на 2016-2018 гады.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
19 Ліпень, 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
19 Ліпень, 16:02
Мінтранс распрацоўвае генеральную схему развіцця прыдарожнага сэрвісу да 2025 года
19 Ліпень, 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
19 Ліпень, 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
19 Ліпень, 14:13
Урад Беларусі прапануе Сусветнаму банку ўзгадніць дарожную карту рэформ у верасні
19 Ліпень, 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія