Поўная версія

Нацбанк падтрымаў ідэю ФПБ па стварэнні гарантыйнага фонду для выплаты зарплат пры банкруцтве прадпрыемстваў

Эканоміка 06.07.2016 | 19:48

7 ліпеня, Мінск /Кар. БЕЛТА/. Рабочая сустрэча кіраўніцтва Федэрацыі прафсаюзаў Беларусі і Нацыянальнага банка прайшла 6 ліпеня ў Мінску ў штаб-кватэры ФПБ, паведамілі БЕЛТА ў прэс-службе федэрацыі.

Удзельнікі рабочай сустрэчы, якая адбылася па ініцыятыве Нацбанка, абмеркавалі актуальныя пытанні грашова-крэдытнай палітыкі краіны, пытанні ўзаемадзеяння банкаў з рэальным сектарам эканомікі. Размова ў тым ліку ішла аб магчымасці зніжэння крэдытных ставак у эканоміцы, механізмах падтрымкі малога і сярэдняга бізнесу.

Як адзначыў старшыня ФПБ Міхаіл Орда, для ўсіх вельмі важна захаваць баланс інтарэсаў бізнесу і працоўных. "Для прафсаюзаў асабліва важна, каб у чалавека была работа і магчымасць зарабляць. А гэта залежыць ад таго, наколькі эфектыўна працуюць прадпрыемствы, - сказаў ён. - Мы бачым, што сёння складваецца няпростая сітуацыя ў эканоміцы і на рынку працы. Патрэбны новыя рабочыя месцы. Аб гэтым ішла размова і на V Усебеларускім народным сходзе. Кіраўнік дзяржавы паставіў перад усімі органамі ўлады задачу стварыць за пяцігодку 250 тыс. рабочых месц. Але для таго, каб іх стварыць, патрэбны інвестыцыі і даступныя крэдыты".

Старшыня праўлення Нацыянальнага банка Павел Калаур падкрэсліў: "Асноўная задача на гэты час - захоўваючы макраэканамічную збалансаванасць, выйсці на ўстойлівы рост нацыянальнай эканомікі. Аднак трэба разумець, што без структурных рэформ тут не абысціся і наша агульная задача - мінімізаваць магчымыя негатыўныя наступствы і падтрымаць слабаабароненыя слаі насельніцтва. Без гэтага належнага эфекту мы не атрымаем".

У такім кантэксце ў ходзе сустрэчы была разгледжана ініцыятыва Федэрацыі прафсаюзаў Беларусі па стварэнні гарантыйнага фонду на выпадак нявыплаты заработнай платы пры банкруцтве прадпрыемстваў. "Такі фонд можа фарміравацца на салідарнай аснове, а расходавацца як у якасці дапамогі працоўным, так і на фінансавую падтрымку на тэрміновай і зваротнай аснове асобных прадпрыемстваў. Ідэя стварэння гарантыйнага фонду нараўне з выкарыстаннем іншых інструментаў сацыяльнай падтрымкі працоўных калектываў пры правядзенні рэарганізацыі прадпрыемстваў падтрымана кіраўніцтвам Нацбанка. Дасягнута дамоўленасць прадоўжыць прадметнае абмеркаванне гэтых пытанняў у бліжэйшы час", - сказалі ў прэс-службе.-0-

Навіны рубрыкі Эканоміка
Андрэй Худык. Фота з архіва Беларусь плануе аднавіць перагаворы з Суданам адносна другога ўчастка для здабычы золата
19 Красавік, 19:55
Сусветны банк выдзеліць 90 млн еўра на мадэрнізацыю школ у малых гарадах і вёсках Беларусі
19 Красавік, 18:10
Функцыі кіравання і ўліку размеркаванымі спецправамі пазыкі МВФ перададзены Нацбанку
19 Красавік, 10:20
Будаўнічая пляцоўка Нежынскага ГАК. Фота з архіва Каля $400 млн будзе накіравана да канца года ў будаўніцтва Нежынскага ГАКа
19 Красавік, 10:07
Беларусь і Таджыкістан будуць развіваць супрацоўніцтва ў машынабудаванні і сельскай гаспадарцы
18 Красавік, 18:07
Беларусь і Узбекістан створаць СП па выпуску лекавых і антысептычных сродкаў
18 Красавік, 17:24
Фота з архівы Канферэнцыя "Экспарт у ЕС" будзе прысвечана нафтахімічнай галіне
18 Красавік, 15:34
Прынята распрацаваная з удзелам ЕБРР стратэгія развіцця "Белаўтадара" да 2023 года
18 Красавік, 15:04
Урад Беларусі і Дубайскі МФЦ падпісалі мемарандум аб узаемаразуменні
18 Красавік, 14:44
Поўная версія