Поўная версія

МПЗ прапануе абмеркаваць праект указа аб маркіроўцы тавараў

Эканоміка 24.05.2019 | 13:19

24 мая, Мінск /Кар. БЕЛТА/. Міністэрства па падатках і зборах прапануе абмеркаваць праект указа аб маркіроўцы тавараў. Грамадскае абмеркаванне праводзіцца на Прававым форуме Беларусі да 1 чэрвеня, паведамляе карэспандэнт БЕЛТА.

Праект дакумента распрацаваны ў мэтах удасканалення механізма маркіроўкі тавараў, а таксама ў мэтах выканання пагаднення аб маркіроўцы тавараў сродкамі ідэнтыфікацыі ў ЕАЭС.

Існуючая сістэма маркіроўкі кантрольнымі (ідэнтыфікацыйнымі) знакамі асобных груп тавараў функцыянуе ў Беларусі з сакавіка 2005 года. Такі дадатковы механізм падатковага кантролю ўводзіўся з мэтай спыніць прымяняемыя схемы адыходу ад падаткаабкладання, прадухіліць уключэнне ў ценявы абарот тавараў і, адпаведна, павялічыць паступленні плацяжоў у бюджэт, што ажыццяўляюцца вытворцамі і імпарцёрамі тавараў у добраахвотным парадку.

"Нормы пагаднення аб маркіроўцы тавараў сродкамі ідэнтыфікацыі ў ЕАЭС вызначаюць шэраг новых элементаў, якія неабходна ўбудоўваць у існуючую сістэму. У іх ліку генерацыя сродкаў ідэнтыфікацыі, якая будзе ажыццяўляцца эмітэнтам (органам дзяржаўнага кіравання або ўпаўнаважанай ім арганізацыяй), вызначэнне парадку нанясення сродку ідэнтыфікацыі на тавар, магчымасць дабаўлення ў сістэму інфармацыі аб этапах абароту маркіраванага тавару. З улікам гэтага наспела аб'ектыўная неабходнасць мадэрнізацыі існуючай у Беларусі сістэмы маркіроўкі тавараў", - гаворыцца ў каментарыі да праекта дакумента.

Оператар нацыянальнай сістэмы маркіроўкі тавараў будзе забяспечваць яе функцыянаванне, узаемадзеянне і абмен інфармацыяй з інфармацыйнымі сістэмамі маркіроўкі іншых дзяржаў - членаў ЕАЭС. Ажыццяўляць навукова-метадычнае забеспячэнне парадку апісання тавараў пры ўнясенні інфармацыі ў нацыянальную сістэму маркіроўкі будзе Цэнтр сістэм ідэнтыфікацыі НАН.

У адпаведнасці з праектам указа зацвярджаюцца некалькі палажэнняў, якія вызначаюць парадак маркіроўкі тавараў. Пры ўключэнні новых тавараў у пералік падлягаючых маркіроўцы кантрольнымі (ідэнтыфікацыйнымі) знакамі, знакамі з нанесенымі сродкамі ідэнтыфікацыі і проста сродкамі ідэнтыфікацыі юрасобы і ІП, якія ажыццяўляюць вытворчасць, аптовы або рознічны гандаль такімі таварамі, мае права не толькі рэалізоўваць, але і захоўваць утвораныя ў іх астаткі гэтых немаркіраваных тавараў.

Згодна з праектам дакумента тавары, увезеныя на тэрыторыю Беларусі арганізатарамі і ўдзельнікамі міжнародных выставак і кірмашоў у якасці ўзораў і экспанатаў, не падлягаюць маркіроўцы, за выключэннем прызначаных для рэалізацыі.

Інфармацыя аб вытворчасці і ўвозе на тэрыторыю Беларусі, абароце тавараў, уключаных у пералік падлягаючых маркіроўцы сродкамі ідэнтыфікацыі, павінна быць унесена ў нацыянальную сістэму маркіроўкі тавараў. Акрамя таго, прадугледжаны выпадкі вяртання суб'ектам гаспадарання грашовых сродкаў, унесеных у аплату кошту кантрольных (ідэнтыфікацыйных) знакаў, а таксама знакаў з нанесенымі сродкамі ідэнтыфікацыі.

Праектам указа ўводзіцца адміністрацыйная адказнасць для юрыдычных асоб і індывідуальных прадпрымальнікаў за невыкананне імі патрабаванняў, што змешчаны ў дакуменце.

Свае заўвагі і прапановы можна выказаць у спецыяльнай тэме на Прававым форуме Беларусі або накіраваць арганізатару грамадскага абмеркавання на электронны адрас: 202_3@nalog.gov.by з паметкай "Абмеркаванне праекта ўказа".-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
Учора 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
Учора 16:02
Мінтранс распрацоўвае генеральную схему развіцця прыдарожнага сэрвісу да 2025 года
Учора 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
Учора 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
Учора 14:13
Урад Беларусі прапануе Сусветнаму банку ўзгадніць дарожную карту рэформ у верасні
Учора 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія