Поўная версія

Мінсельгасхарч разлічвае на зняцце забароны на пастаўкі ў Расію беларускіх яблыкаў і груш

Эканоміка 30.05.2019 | 15:40
Фота з архіва
Фота з архіва

30 мая, Мінск /Кар. БЕЛТА/. Міністэрства сельскай гаспадаркі і харчавання Беларусі разлічвае, што забарона на пастаўкі ў Расію беларускіх яблыкаў і груш будзе знята. Аб гэтым заявіў, адказваючы на пытанні журналістаў, намеснік міністра Уладзімір Гракун, перадае карэспандэнт БЕЛТА.

"Я думаю, гэта пытанне здымецца. Яно проста надуманае", - сказаў Уладзімір Гракун.

На яго думку, прадукцыя, якая вырошчваецца ў Беларусі, павінна пастаўляцца на рынкі партнёраў без абмежаванняў. "І я думаю, яна будзе пастаўлена", - дадаў намеснік міністра сельскай гаспадаркі і харчавання.

Уладзімір Гракун звярнуў увагу, што пытанні, якія час ад часу ўзнікаюць з расійскімі калегамі ў частцы паставак прадуктаў харчавання, у выніку здымаюцца. Што ж датычыцца яблыкаў і груш, то беларускі бок пры неабходнасці гатовы арганізаваць наведванне гаспадарак спецыялістамі Рассельгаснагляду для адпаведнай інспекцыі. "Мы гатовы паказаць сады, якія ў нас пасаджаны (а гэта 20 тыс. га інтэнсіўнага тыпу з ураджайнасцю ад 20 да 60 т з гектара)", - удакладніў намеснік міністра. Спецыялістам Рассельгаснагляду гатовы прадаставіць у тым ліку інфармацыю, колькі яблыкаў і груш было атрымана айчыннымі вытворцамі, колькі закладзена на захоўванне. Паводле слоў Уладзіміра Гракуна, гэта звычайная практыка. "Так у нас з Рассельгаснаглядам і вялося: яны рабілі інвентарызацыю, вызначаліся па кожным пастаўшчыку па аб'ёмах і адсочвалі, каб тыя не паставілі больш", - растлумачыў ён.

Намеснік міністра ў выніку падкрэсліў, што сельгасарганізацыі, фермерскія гаспадаркі, якія вырошчваюць яблыкі і грушы, не займаюцца камерцыяй - яны вырабляюць сваё.

Забарона на пастаўкі ў Расію беларускіх яблыкаў і груш была ўведзена Рассельгаснаглядам з 12 красавіка.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
Учора 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
Учора 16:02
Мінтранс распрацоўвае генеральную схему развіцця прыдарожнага сэрвісу да 2025 года
Учора 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
Учора 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
Учора 14:13
Урад Беларусі прапануе Сусветнаму банку ўзгадніць дарожную карту рэформ у верасні
Учора 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія