Поўная версія

Мінфін Беларусі ацэніць выпадаючыя даходы бюджэту з-за няякаснай нафты па выніках I паўгоддзя

Эканоміка 22.05.2019 | 15:07
Максім Ермаловіч
Максім Ермаловіч

22 мая, Мінск /Кар. БЕЛТА/. Міністэрства фінансаў Беларусі ацэніць выпадаючыя даходы бюджэту з-за сітуацыі з няякаснай нафтай з РФ па выніках I паўгоддзя. Аб гэтым паведаміў сёння журналістам міністр фінансаў Максім Ермаловіч у час пасяджэння Савета Міністраў аб выніках сацыяльна-эканамічнага развіцця, перадае карэспандэнт БЕЛТА.

"Што датычыцца сітуацыі з пастаўкамі нафты і праблем, звязаных з некаторымі вымушанымі спыненнямі ў рабоце нафтаперапрацоўчых заводаў, мы адчуем эфект гэтага крыху пазней. Пакуль, за чатыры месяцы, яны на паступленне даходаў у бюджэт не паўплывалі. Хутчэй за ўсё, мы ўбачым гэтыя выпадаючыя даходы па паўгоддзі", - адзначыў Максім Ермаловіч.

"Тады ўжо па паўгоддзі будзем рабіць поўную ацэнку выканання бюджэту за год, ацэньваць дадатковыя даходы, якія фарміруюцца па асобных крыніцах, і бачыць, якія даходныя крыніцы правальваюцца", - удакладніў міністр.

Пры гэтым ён звярнуў увагу, што ў цэлым задача па напаўняльнасці ў адпаведнасці з прынятым законам "Аб бюджэце" захоўваецца, і Мінфін будзе яе выконваць.

Што датычыцца выканання бюджэту за чатыры месяцы, то ў цэлым ён фарміруецца ў адпаведнасці з планам на 2019 год, хоць ёсць пэўныя адхіленні ў фарміраванні даходнай часткі бюджэту. Як растлумачыў Максім Ермаловіч, гэта звязана з пераразмеркаваннем крыніц даходаў бюджэту. "Крыху ніжэй складваюцца паступленні падатку на прыбытак. Разам з тым з апярэджаннем у параўнанні з планам ідуць даходы ад экспарце калійных угнаенняў", - удакладніў ён. Дадатковыя даходы таксама паступаюць з улікам больш высокіх цэн на нафту, чым закладзена ў бюджэце.

"У цэлым мы выконваем план бюджэту, устаноўлены на бягучы год, ніякіх правалаў няма, аднак спадзявацца на нейкія значныя аб'ёмы дадатковых паступленняў таксама не даводзіцца", - рэзюмаваў Максім Ермаловіч.

Як паведамлялася, канцэрн "Белнафтахім" 19 красавіка заявіў аб рэзкім пагаршэнні якасці расійскай нафты Urals, якая паступае транзітам ва ўчастак магістральнага нафтаправода ААТ "Гомельтранснафта Дружба". Колькасць хлорарганічных злучэнняў у нафце перасягала ў дзясяткі разоў максімальныя значэнні па стандарце. Абодва беларускія нафтаперапрацоўчыя заводы - Мазырскі НПЗ і ААТ "Нафтан" - былі вымушаны знізіць загрузку магутнасцей і панеслі страты. "Нафтан" цяпер загружаны на 65 працэнтаў.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
Учора 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
Учора 16:02
Мінтранс распрацоўвае генеральную схему развіцця прыдарожнага сэрвісу да 2025 года
Учора 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
Учора 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
Учора 14:13
Урад Беларусі прапануе Сусветнаму банку ўзгадніць дарожную карту рэформ у верасні
Учора 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія