Поўная версія

Мінфін: 70 працэнтаў бюджэту Еўрапейскіх гульняў накіравана на развіццё інфраструктуры Беларусі

Эканоміка 26.06.2019 | 17:46
Вёска атлетаў
Вёска атлетаў

26 чэрвеня, Мінск /Кар. БЕЛТА/. На развіццё інфраструктуры Беларусі накіравана 70 працэнтаў бюджэту Еўрапейскіх гульняў, паведамляе БЕЛТА са спасылкай на каментарый Міністэрства фінансаў.

Бюджэт II Еўрапейскіх гульняў складаецца з двух кампанентаў: арганізацыйнага і інвестыцыйнага. "Інвестыцыйны кампанент - найбольш значны ў структуры расходаў. Пад эгідай II Еўрапейскіх гульняў дадатковыя інвестыцыі ў развіццё інфраструктуры Беларусі на гэты час склалі Br380 млн (70 працэнтаў у агульным аб'ёме фінансавання)", - паведамілі ў Мінфіне.

За кошт бюджэтных сродкаў правялі мадэрнізацыю, рамонт і аснашчэнне 12 буйнейшых спартыўных аб'ектаў (у тым ліку Рэспубліканскага цэнтра па вяслярных відах спорту, Рэспубліканскага цэнтра алімпійскай падрыхтоўкі па тэнісе, стадыёна "Дынама", комплексаў "Мінск-Арэна", Palova Arena, "Чыжоўка-Арэна", Палаца спорту і іншых), а таксама спартыўных збудаванняў і інтэрнатаў Студэнцкай вёскі.

"Набыта сучаснае спартыўнае, медыцынскае і тэлевізійнае абсталяванне для іншых аб'ектаў бюджэтнай сферы, а таксама транспартныя сродкі, якія пасля завяршэння мерапрыемства будуць перададзены ў распараджэнне арганізацый бюджэтнага сектара, значна ўмацаваўшы іх матэрыяльна-тэхнічную базу", - падкрэслілі ў міністэрстве.

З прыцягненнем крэдытных рэсурсаў Банка развіцця пабудаваны будынак Рэспубліканскага навукова-практычнага цэнтра спартыўнай медыцыны, шматпрофільная спартыўная зала па гульнявых відах спорту, інтэрнат Студэнцкай вёскі. Фінансаванне банка дапамагло рэканструяваць спартыўна-стралковы комплекс ім.Цімашэнкі і алімпійскі спартыўны комплекс "Стайкі". Куплены чатыры перасовачныя тэлевізійныя станцыі фармату HD.

Урад прыняў меры па максімальным прыцягненні беларускіх пастаўшчыкоў тавараў, работ і паслуг да падрыхтоўкі і правядзення гульняў.

Арганізацыйны кампанент прадугледжвае пражыванне і харчаванне акрэдытаваных асоб, медыцынскае і транспартнае забеспячэнне; стварэнне ІТ-платформы кіравання гульнямі (фіксацыя часу, ацэнак і вынікаў, работа сітуацыйнага цэнтра і сэрвісу тэхналогій месцаў правядзення); тэлетрансляцыю, радыёвяшчанне і інфармацыйна-рэкламнае забеспячэнне; арганізацыю работы валанцёраў, правядзенне афіцыйных цырымоній адкрыцця і закрыцця гульняў, а таксама функцыянаванне фонду "Дырэкцыя II Еўрапейскіх гульняў 2019 года".

Зыходзячы з прынятых беларускім бокам абавязацельстваў на падрыхтоўку і правядзенне Еўрапейскіх гульняў за 2017-2019 гады накіравана амаль Br540 млн. Палова расходаў аплачана за кошт бюджэту (Br266 млн), каля 40 працэнтаў - пакрыта крэдытамі Банка развіцця (Br208 млн), астатняе аплачана з пазабюджэтных крыніц (спонсарская дапамога, рэалізацыя білетаў).

Што датычыцца пазабюджэтных крыніц фінансавання, то гэта бязвыплатная спонсарская дапамога, даходы ад рэалізацыі білетаў, сувенірнай і ліцэнзійнай прадукцыі. Акрамя таго, прадугледжваюцца паступленні сродкаў ад продажу Еўрапейскімі алімпійскімі камітэтамі правоў на тэлетрансляцыю і рэалізацыю міжнароднай маркетынгавай праграмы.

Заканадаўствам прадугледжаны механізм залічэння звышпланавых паступленняў з пазабюджэтных крыніц у даходы бюджэту для кампенсацыі панесеных расходаў.

"Канчатковая ацэнка даходаў і расходаў, звязаных з правядзеннем II Еўрапейскіх гульняў у Мінску, будзе зроблена пасля завяршэння мерапрыемства", - дадалі ў Мінфіне.-0-

Навіны рубрыкі Эканоміка
Фота Pixabay Рост ВУП на 2,8 працэнта і экспарту на 3,6 працэнта - урад дапрацаваў прагнозныя дакументы на 2020 год
Учора 19:43
Мінэканомікі: у Беларусі няма канцэптуальных рознагалоссяў з СБ па падрыхтоўцы дарожнай карты
Учора 19:30
Цэнтрабанкі Беларусі і РФ прапрацуюць стварэнне ІТ-платформы для здзелак па гандлёвым фінансаванні
Учора 19:09
Сяргей Румас Беларусь гатова ўдзельнічаць у будаўніцтве аб'ектаў і пастаўляць тэхніку ў Наўгародскую вобласць
Учора 18:40
У Беларусі засталося ўбраць 4,3 працэнта плошчаў бульбы і 27,5 працэнта агародніны
Учора 10:53
Снапкоў: Беларусь за няпоўныя 30 гадоў прайшла ўнікальны шлях эканамічнай трансфармацыі
Учора 09:00
Фота з архіва Нацбанк: інфляцыя ў Беларусі да канца года стабілізуецца паблізу 5 працэнтаў
17 Кастрычнік, 17:06
Стратэгію развіцця нафтахімічнага комплексу-2030 плануецца вызначыць да канца года
17 Кастрычнік, 16:10
Наўгародскія аграрыі галасуюць за беларускую тэхніку - губернатар расійскага рэгіёна
17 Кастрычнік, 15:52
Поўная версія