Поўная версія

Мінэнерга Польшчы чакае вырашэння пытання кампенсацый за пастаўкі "бруднай" нафты па "Дружбе"

Эканоміка 10.06.2019 | 17:17
Фота з архіва
Фота з архіва

10 чэрвеня, Мінск /Кар. БЕЛТА/. Міністэрства энергетыкі Польшчы ў сітуацыі з пастаўкамі няякаснай расійскай нафты чакае поўнай ачысткі трубаправода "Дружба" і вырашэння пытання з кампенсацыямі для польскіх спажыўцоў. Аб гэтым паведамляе ТАСС са спасылкай на заяву ведамства.

"Пагадненне, дасягнутае на перагаворах у Варшаве і Маскве, пачынае рэалізоўвацца. Аператары беларускай і расійскай сістэм ачысцілі ўжо частку лініі перадачы нафты, і пачалося перапампоўванне сыравіны добрай якасці", - цытуе ведамства словы міністра энергетыкі Кшыштафа Тхужэўскага.

"Мы чакаем поўнай ачысткі ўсіх ніцей трубаправода і ўрэгулявання пытання прэтэнзій з-за паставак сыравіны са значна заніжанымі параметрамі", - дадаў міністр.

Як нагадалі ў польскім ведамстве, згодна з пагадненнем, распрацаваным у Варшаве і пазней заключаным у Маскве, да 1 ліпеня ўсе тры ніці трубаправода будуць уключаны ў бягучую эксплуатацыю. "Бакі ўзгаднілі таксама працэдуру разгляду прэтэнзій НПЗ, якія прымаюць сыравіну з Расіі", - адзначана ў паведамленні міністэрства.

У Мінэнерга Польшчы таксама падкрэслілі, што польскі аператар нафтаправода "Дружба" прадаўжае ўважліва адсочваць якасць пастаўляемай нафты, каб пазбегнуць паўтарэння сітуацыі, што ўзнікла ў другой палавіне красавіка, калі на тэрыторыю Польшчы трапіла вялікая колькасць нафты з павышанай колькасцю арганічных хларыдаў.

Нафтаправод "Дружба" забяспечвае пастаўкі нафты на беларускія НПЗ і яе транзіт у Еўропу цераз Беларусь, Польшчу і Украіну.

У сярэдзіне красавіка беларускі канцэрн "Белнафтахім" паведаміў аб рэзкім пагаршэнні якасці нафты, што паступае з Расіі па "Дружбе". У выніку шэраг краін спынілі прыём і перапрацоўку расійскай нафты. Польшча спыніла запампоўванне 24 красавіка. У нядзелю, 9 чэрвеня, аб аднаўленні падачы чыстай нафты ў Польшчу паведаміла расійская "Транснафта" і беларускі "Белнафтахім".-0-

Навіны рубрыкі Эканоміка
Вёска атлетаў Мінфін: 70 працэнтаў бюджэту Еўрапейскіх гульняў накіравана на развіццё інфраструктуры Беларусі
Учора 17:46
Беларусь і Італія дамовіліся актывізаваць эканамічнае і інвестыцыйнае супрацоўніцтва
Учора 14:48
Беларусь гатова дзяліцца з Венгрыяй вопытам рэалізацыі ядзернай энергетычнай праграмы
Учора 14:45
Еўрапейскія гульні ўзмацняюць інвестыцыйную прывабнасць Беларусі - Ермаловіч
Учора 13:38
Некаторыя маркі цыгарэт даражэюць у Беларусі з 1 ліпеня
Учора 12:31
"Гомсельмаш" паставіць у Кітай партыю машынакамплектаў на больш як $1,5 млн
25 Чэрвень, 16:55
Баляслаў Пірштук. Фота з архіва Горадабудаўнічая палітыка ў Беларусі арыентавана на развіццё разумных і зялёных гарадоў - Пірштук
25 Чэрвень, 13:31
Частковае аднаўленне экспарту беларускай нафты плануецца да канца чэрвеня - "Белнафтахім"
25 Чэрвень, 12:29
Сярэдняя зарплата ў Беларусі ў маі склала Br1071,6
25 Чэрвень, 10:38
Поўная версія