Поўная версія

Мадэль электроннай пляцоўкі закупак малога аб'ёму прэзентуе Нацыянальны цэнтр маркетынгу

Эканоміка 19.03.2019 | 19:52

19 сакавіка, Мінск /Кар. БЕЛТА/. Нацыянальны цэнтр маркетынгу МЗС Беларусі прадставіць бізнес-супольнасці мадэль электроннай пляцоўкі закупак малога аб'ёму на форуме "Развіццё прадпрымальніцтва ў Беларусі. Стратэгія і тактыка", які пройдзе 20 сакавіка ў час IV Тыдня беларускага прадпрымальніцтва. Аб гэтым БЕЛТА паведамілі ў Нацыянальным цэнтры маркетынгу.

На электронным партале закупак малога аб'ёму будуць праходзіць закупкі тавараў аб'ёмам ад 50 да 300 базавых велічынь, а таксама закупкі па выніках прызнаных неправедзенымі канкурэнтных працэдур. Адкрыты электронны фармат забяспечыць празрыстасць працэдуры закупкі з адной крыніцы як для суб'ектаў, так і для праваахоўных і кантралюючых органаў. Рашэнне аб стварэнні гэтага партала прынята ў сувязі з патрабаваннямі новай рэдакцыі закона аб дзяржаўных закупках аб поўнай электранізацыі закупачнага працэсу.

Чакаецца, што новая электронная пляцоўка павысіць узровень канкурэнцыі, у тым ліку дзякуючы ўдзелу суб'ектаў малога і сярэдняга прадпрымальніцтва, забяспечыць эканомію і больш эфектыўнае выкарыстанне бюджэтных сродкаў. Такая адкрытасць і прастата ўдзелу ў закупках малога аб'ёму дасць магчымасць многім прадпрымальнікам знайсці новыя рынкі збыту.

Нацыянальны цэнтр маркетынгу з'яўляецца распрацоўшчыкам і аператарам адзінай дзяржаўнай інфармацыйна-аналітычнай сістэмы кіравання закупкамі, якая пачне функцыянаваць з ліпеня бягучага года.

Дырэктар Нацыянальнага цэнтра маркетынгу Валерый Садоха адзначае, што каля 60 працэнтаў дзяржаўных закупак - гэта закупкі з адной крыніцы. "Гэта працэдура да апошняга часу заставалася найбольш закрытай. Але цяпер прынята рашэнне аб яе пераводзе ў адкрыты фармат, рыхтуецца нарматыўная база, а таксама электронная пляцоўка. Мы лічым, што з'яўленне новага модуля дасць магчымасць многім малым прадпрыемствам адкрыць для сябе рынак дзяржаўных закупак як у рэгіёнах, так і па ўсёй рэспубліцы", - сказаў ён.-0-

Навіны рубрыкі Эканоміка
Фота Pixabay Рост ВУП на 2,8 працэнта і экспарту на 3,6 працэнта - урад дапрацаваў прагнозныя дакументы на 2020 год
Учора 19:43
Мінэканомікі: у Беларусі няма канцэптуальных рознагалоссяў з СБ па падрыхтоўцы дарожнай карты
Учора 19:30
Цэнтрабанкі Беларусі і РФ прапрацуюць стварэнне ІТ-платформы для здзелак па гандлёвым фінансаванні
Учора 19:09
Сяргей Румас Беларусь гатова ўдзельнічаць у будаўніцтве аб'ектаў і пастаўляць тэхніку ў Наўгародскую вобласць
Учора 18:40
У Беларусі засталося ўбраць 4,3 працэнта плошчаў бульбы і 27,5 працэнта агародніны
Учора 10:53
Снапкоў: Беларусь за няпоўныя 30 гадоў прайшла ўнікальны шлях эканамічнай трансфармацыі
Учора 09:00
Фота з архіва Нацбанк: інфляцыя ў Беларусі да канца года стабілізуецца паблізу 5 працэнтаў
17 Кастрычнік, 17:06
Стратэгію развіцця нафтахімічнага комплексу-2030 плануецца вызначыць да канца года
17 Кастрычнік, 16:10
Наўгародскія аграрыі галасуюць за беларускую тэхніку - губернатар расійскага рэгіёна
17 Кастрычнік, 15:52
Поўная версія