Поўная версія

Горадабудаўнічая палітыка ў Беларусі арыентавана на развіццё разумных і зялёных гарадоў - Пірштук

Эканоміка 25.06.2019 | 13:31
Баляслаў Пірштук. Фота з архіва
Баляслаў Пірштук. Фота з архіва

25 чэрвеня, Мінск /Кар. БЕЛТА/. Дзяржаўная горадабудаўнічая палітыка ў Беларусі арыентуецца на развіццё разумных і зялёных гарадоў, праводзіцца вялікая работа па ўдасканаленні заканадаўства ў гэтым напрамку, заявіў намеснік старшыні Палаты прадстаўнікоў Баляслаў Пірштук на пасяджэнні круглага стала "Зялёнае горадабудаўніцтва: ад тэорыі да практыкі", якое прайшло ў Палаце прадстаўнікоў, перадае карэспандэнт БЕЛТА.

Паводле слоў Баляслава Пірштука, тэма зялёнага горадабудаўніцтва становіцца ўсё больш актуальнай у свеце. У Беларусі ёй таксама ўдзяляецца вялікая ўвага. "З развіццём урбанізацыі ўсё большая нагрузка кладзецца на гарады, і трэба аб'яднаць намаганні для таго, каб максімальна захаваць прыродныя багацці. Важна вывучаць і пераймаць станоўчы міжнародны вопыт, прыцягваць грамадзянскую супольнасць, грамадскія арганізацыі", - сказаў ён.

У сваю чаргу пастаянны прадстаўнік Праграмы развіцця ААН (ПРААН) у Беларусі Аляксандра Салаўёва адзначыла, што Беларусь дэманструе лідарства ў рэгіёне ў рабоце над дасягненнем Мэт устойлівага развіцця. Распрацоўваюцца адпаведныя стратэгіі і праграмы як на нацыянальным, так і на рэгіянальным узроўнях.

"Падтрымка, якую ПРААН аказвае ўраду па ўстойлівым развіцці гарадоў, уключае комплексныя рашэнні, што спалучаюць меры па развіцці энергаэфектыўнасці, выкарыстанні крыніц аднаўляльнай энергіі, кіраванні адходамі і інш. Разам гэтыя ініцыятывы садзейнічаюць скарачэнню выкідаў парніковых газаў. Мы гатовы і ў далейшым падтрымліваць сумесныя крокі ў напрамку зялёнага горадабудаўніцтва", - падкрэсліла Аляксандра Салаўёва.

На пасяджэнні круглага стала прадстаўлены вопыт распрацоўкі планаў зялёнага горадабудаўніцтва гарадамі Беларусі, рэалізацыі энергаэфектыўных мерапрыемстваў. У мерапрыемстве прынялі ўдзел дэпутаты, прадстаўнікі міністэрстваў прыродных рэсурсаў і аховы навакольнага асяроддзя, архітэктуры і будаўніцтва, Дэпартамента па энергаэфектыўнасці Дзяржстандарту, праекта ГЭФ - ПРААН - Мінпрыроды "Беларусь: падтрымка зялёнага горадабудаўніцтва", гарадскіх адміністрацый і грамадскіх аб'яднанняў.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
Учора 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
Учора 16:02
Мінтранс распрацоўвае генеральную схему развіцця прыдарожнага сэрвісу да 2025 года
Учора 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
Учора 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
Учора 14:13
Урад Беларусі прапануе Сусветнаму банку ўзгадніць дарожную карту рэформ у верасні
Учора 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія