Поўная версія

Гаспадаркі Беларусі правялі другі ўкос траў больш як на 40 працэнтах плошчаў

Эканоміка 09.07.2019 | 16:30
Фота з архіва
Фота з архіва

9 ліпеня, Мінск /Кар. БЕЛТА/. Гаспадаркі Беларусі правялі другі ўкос траў на 43 працэнтах плошчаў, паведамляе БЕЛТА са спасылкай на аператыўныя даныя Міністэрства сельскай гаспадаркі і харчавання.

Паводле інфармацыі на 9 ліпеня, скошана каля 340 тыс. га. Гэта 43,3 працэнта запланаванага. На 68,7 працэнта выканалі заданне аграрыі Брэсцкай вобласці, 65,4 працэнта траў скошана ў Мінскай вобласці, 47,5 працэнта - у Гомельскай, 28,5 працэнта - у Гродзенскай, 23,3 працэнта - у Магілёўскай. Апошнімі другі ўкос пачалі гаспадаркі Віцебскага рэгіёна, тут скошана крыху больш за 7 працэнтаў плошчаў.

Паводле даных Мінсельгасхарча, сельскагаспадарчыя арганізацыі краіны нарыхтавалі 2715 тыс. т кармавых адзінак травяных кармоў. Усяго ў бягучым годзе іх плануецца нарыхтаваць 9168 тыс. т. На адну ўмоўную галаву жывёлы закладзена 8,69 ц кармавых адзінак.

Сенажу нарыхтавана больш за 8395 тыс. т (каля 65 працэнта плану), сена - больш за 579 тыс. т (61 працэнт), сіласу - 296 тыс. т (1,63 працэнта).

Акрамя таго, завяршаецца ўборка азімай свірэпіцы на збожжа - заданне выканана на 97,5 працэнта. Намалот склаў 32,3 тыс. т, ураджайнасць - 10,7 ц/га, што на паўтара цэнтнера больш, чым на аналагічную дату ў мінулым годзе.

Азімы ячмень убраны амаль на 93 працэнтах плошчаў. Яго намалочана звыш 50 тыс. т. Ураджайнасць складае 43,1 ц/га (у мінулым годзе яна была на ўзроўні 28,7 ц/га).

Аграрыі ўбралі больш за 38 працэнтаў плошчаў азімага рапсу на збожжа. Намалот складае 198 тыс. т, ураджайнасць - 16,3 ц/га.-0-

Навіны рубрыкі Эканоміка
Фота Pixabay Рост ВУП на 2,8 працэнта і экспарту на 3,6 працэнта - урад дапрацаваў прагнозныя дакументы на 2020 год
19:43
Мінэканомікі: у Беларусі няма канцэптуальных рознагалоссяў з СБ па падрыхтоўцы дарожнай карты
19:30
Цэнтрабанкі Беларусі і РФ прапрацуюць стварэнне ІТ-платформы для здзелак па гандлёвым фінансаванні
19:09
Сяргей Румас Беларусь гатова ўдзельнічаць у будаўніцтве аб'ектаў і пастаўляць тэхніку ў Наўгародскую вобласць
18:40
У Беларусі засталося ўбраць 4,3 працэнта плошчаў бульбы і 27,5 працэнта агародніны
10:53
Снапкоў: Беларусь за няпоўныя 30 гадоў прайшла ўнікальны шлях эканамічнай трансфармацыі
09:00
Фота з архіва Нацбанк: інфляцыя ў Беларусі да канца года стабілізуецца паблізу 5 працэнтаў
Учора 17:06
Стратэгію развіцця нафтахімічнага комплексу-2030 плануецца вызначыць да канца года
Учора 16:10
Наўгародскія аграрыі галасуюць за беларускую тэхніку - губернатар расійскага рэгіёна
Учора 15:52
Поўная версія