Фота з архіва
13 лютага, Мінск /Кар. БЕЛТА/. Рост паставак прадуктаў харчавання, нарошчванне экспарту прэміксаў і камбікармоў Беларускай нацыянальнай біятэхналагічнай карпарацыі, супрацоўніцтва ў галіне племянной жывёлагадоўлі і якасная падрыхтоўка кадраў розных сельскагаспадарчых прафесій - на гэтым быў зроблены акцэнт пры планаванні развіцця адносін у час перагавораў з кіраўніком Рэспублікі Асеція - Аланія Сяргеем Мяняйлам у Міністэрстве сельскай гаспадаркі і харчавання, перадае карэспандэнт БЕЛТА.
Зацікаўленасць Беларусі ў маштабаванні супрацоўніцтва з расійскім рэгіёнам у сферы аграпрамысловага комплексу была абазначана адразу. Згодна з афіцыйнай статыстыкай, у мінулым годзе ўзаемны тавараабарот крыху скараціўся, аднак, як падкрэслілі ўдзельнікі сустрэчы, лічбы зусім не азначаюць, што беларускія прадукты ў Паўночнай Асеціі не ведаюць або не любяць. Наадварот, айчынная харчовая прадукцыя масава прадстаўлена ў федэральных сеткавых гіпермаркетах, закупляюць яе і прыватнікі для невялікіх гандлёвых кропак. Першы намеснік міністра сельскай гаспадаркі і харчавання Беларусі Аляксандр Ломскі звярнуў увагу, што ключавая задача для партнёраў сёння - забяспечыць нарошчванне ўзаемных паставак. Абодва бакі таксама падзяліліся сваім бачаннем таго, якім чынам можна зрабіць больш разнастайнымі беларуска-асецінскія адносіны ў сельскай гаспадарцы.
Беларусь прапанавала павялічыць аб'ёмы паставак прадуктаў харчавання, у тым ліку мяса-малочнай групы, у Паўночную Асецію. Асартымент тавараў, які наша краіна ўжо адгружае ў рэгіён або можа яму прапанаваць, вельмі шырокі, а ў высокай якасці нашай прадукцыі сумненняў не ўзнікае.
Яшчэ адным перспектыўным напрамкам для развіцця супрацоўніцтва ў Мінсельгасхарчы лічаць нарошчванне экспарту ў гэты рэгіён Расіі прадукцыі БНБК - карпарацыя гатова пастаўляць у паўночнакаўказскую рэспубліку больш незаменных амінакіслот, прэміксаў і камбікармоў для ўсіх відаў сельскагаспадарчых жывёл.
"Беларуская нацыянальная біятэхналагічная карпарацыя - ультрасучаснае прадпрыемства, аснашчанае шматфункцыянальным абсталяваннем, якое паспяхова нарошчвае аб'ёмы вытворчасці прадукцыі, запатрабаванай не толькі на ўнутраным рынку, але і на рынку Расіі, - дадаў Аляксандр Ломскі. - У мінулым годзе тут вырабілі 96 тыс. т камбікармоў, у тым ліку 64 тыс. т - для буйной рагатай жывёлы і прыблізна па 11 тыс. т для свіней, птушкі і рыбы, а таксама 10 тыс. т прэміксаў і 59 тыс. т амінакіслот. У Расію БНБК пастаўляе прадукцыю ў большасці сваёй праз дыстрыб'ютара. Спадзяюся, што дзякуючы дасягнутым дамоўленасцям аб'ёмы паставак прадукцыі карпарацыі стануць павялічвацца з году ў год".
Паўночнай Асеціі прапанавалі задумацца, акрамя таго, аб наладжванні супрацоўніцтва з Беларуссю ў племянной жывёлагадоўлі. Акрамя біяматэрыялу высокакаштоўных быкоў-вытворнікаў малочных і мясных парод, жывёлагадоўчая гаспадарка "Белплемжыўаб'яднанне" і падведамныя ёй прадпрыемствы гатовы разгледзець і іншыя вектары ўзаемавыгаднага партнёрства. У ліку каштоўных малочных парод Аляксандр Ломскі пералічыў галштынскую і сіментальскую, а мясных - бельгійскую блакітную, лімузінскую.
Нарэшце, можа зацікавіць Паўночную Асецію і навуковы патэнцыял беларускіх сельскагаспадарчых ВНУ, якія займаюцца не толькі падрыхтоўкай, але і перападрыхтоўкай кадраў па шырокім спектры аграрных спецыяльнасцей.
У сваю чаргу кіраўнік Паўночнай Асеціі Сяргей Мяняйла таксама ўнёс шэраг канструктыўных прапаноў для развіцця адносін з Беларуссю ў галіне сельскай гаспадаркі. Было адзначана, што на долю рэгіёна прыпадае 20 працэнтаў фарэлевага рынку Расіі. У стадыі прапрацоўкі будаўніцтва ў рэгіёне селекцыйнага цэнтра па аквакультуры - адзінага на поўдні федэрацыі, дзе ў далейшым будуць вырошчваць, акрамя фарэлі, іншыя віды рыб. Тэхналогіяй вытворчасці і рыб, і камбікармоў для іх расійскія калегі гатовы дзяліцца з беларускімі спецыялістамі.
Пэўныя перспектывы для развіцця адносін з Беларуссю бачацца таксама ў агародніцтве і пладаводстве. Паводле слоў Сяргея Мяняйлы, у Паўночнай Асеціі функцыянуе буйнейшая ў Расіі гаспадарка па вырошчванні спаржы, якая яшчэ каля 30 гадоў таму лічылася нетыповай культурай для расійскіх аграрыяў. Шмат збіраюць у Аланіі яблыкаў, ставячы іх вырошчванне на паток і абнаўляючы сады, а не так даўно ў рэгіёне пачалі адраджаць вінаградарства і культываваць буякі. Рэгулярна там праводзіцца і канферэнцыя бульбаводаў, прыняць удзел у якой прыязджаюць прафесіяналы як з розных куткоў федэрацыі, так і з далёкага замежжа, у прыватнасці Канады. Па кожным з пералічаных вектараў, як лічыць кіраўнік паўночнакаўказскай рэспублікі, можна шукаць агульныя інтарэсы з беларускімі аграрыямі, прадпрыемствамі, вучонымі.
У развіццё тэмы намеснік старшыні канцэрна "Белдзяржхарчпрам" Аляксандр Якоўчыц адзначыў для расіян, што Маларыцкі кансерваваагароднінасушыльны камбінат закупляе яблыкі для вытворчасці сокаў прамога адціскання ў немалых аб'ёмах, а філіял Гарадзейскага цукровага камбіната ў Стоўбцах вырабляе кансервы са спаржавай фасолі. Магчымыя варыянты для супрацоўніцтва прадпрыемствы разгледзяць.
Зверыўшы гадзіннікі па перспектыўных з пункту гледжання партнёраў напрамках, прадстаўнікі Беларусі і Паўночнай Асеціі падкрэслілі: супрацоўніцтва трэба выбудоўваць так, каб не бегчы навыперадкі на рынку, а ўзаемадапаўняць адзін аднаго ў пастаўках тавараў і тэхналогіях.
Візіт дэлегацыі Рэспублікі Паўночная Асеція - Аланія ў Беларусь праходзіць з 11 па 14 лютага. Расійскія партнёры наведалі ўжо Мінскі аўтамабільны завод і шэраг іншых буйнейшых машынабудаўнічых прадпрыемстваў. Запланаваны таксама перагаворы ў беларускім урадзе.-0-
Зацікаўленасць Беларусі ў маштабаванні супрацоўніцтва з расійскім рэгіёнам у сферы аграпрамысловага комплексу была абазначана адразу. Згодна з афіцыйнай статыстыкай, у мінулым годзе ўзаемны тавараабарот крыху скараціўся, аднак, як падкрэслілі ўдзельнікі сустрэчы, лічбы зусім не азначаюць, што беларускія прадукты ў Паўночнай Асеціі не ведаюць або не любяць. Наадварот, айчынная харчовая прадукцыя масава прадстаўлена ў федэральных сеткавых гіпермаркетах, закупляюць яе і прыватнікі для невялікіх гандлёвых кропак. Першы намеснік міністра сельскай гаспадаркі і харчавання Беларусі Аляксандр Ломскі звярнуў увагу, што ключавая задача для партнёраў сёння - забяспечыць нарошчванне ўзаемных паставак. Абодва бакі таксама падзяліліся сваім бачаннем таго, якім чынам можна зрабіць больш разнастайнымі беларуска-асецінскія адносіны ў сельскай гаспадарцы.
Беларусь прапанавала павялічыць аб'ёмы паставак прадуктаў харчавання, у тым ліку мяса-малочнай групы, у Паўночную Асецію. Асартымент тавараў, які наша краіна ўжо адгружае ў рэгіён або можа яму прапанаваць, вельмі шырокі, а ў высокай якасці нашай прадукцыі сумненняў не ўзнікае.
Яшчэ адным перспектыўным напрамкам для развіцця супрацоўніцтва ў Мінсельгасхарчы лічаць нарошчванне экспарту ў гэты рэгіён Расіі прадукцыі БНБК - карпарацыя гатова пастаўляць у паўночнакаўказскую рэспубліку больш незаменных амінакіслот, прэміксаў і камбікармоў для ўсіх відаў сельскагаспадарчых жывёл.
"Беларуская нацыянальная біятэхналагічная карпарацыя - ультрасучаснае прадпрыемства, аснашчанае шматфункцыянальным абсталяваннем, якое паспяхова нарошчвае аб'ёмы вытворчасці прадукцыі, запатрабаванай не толькі на ўнутраным рынку, але і на рынку Расіі, - дадаў Аляксандр Ломскі. - У мінулым годзе тут вырабілі 96 тыс. т камбікармоў, у тым ліку 64 тыс. т - для буйной рагатай жывёлы і прыблізна па 11 тыс. т для свіней, птушкі і рыбы, а таксама 10 тыс. т прэміксаў і 59 тыс. т амінакіслот. У Расію БНБК пастаўляе прадукцыю ў большасці сваёй праз дыстрыб'ютара. Спадзяюся, што дзякуючы дасягнутым дамоўленасцям аб'ёмы паставак прадукцыі карпарацыі стануць павялічвацца з году ў год".
Паўночнай Асеціі прапанавалі задумацца, акрамя таго, аб наладжванні супрацоўніцтва з Беларуссю ў племянной жывёлагадоўлі. Акрамя біяматэрыялу высокакаштоўных быкоў-вытворнікаў малочных і мясных парод, жывёлагадоўчая гаспадарка "Белплемжыўаб'яднанне" і падведамныя ёй прадпрыемствы гатовы разгледзець і іншыя вектары ўзаемавыгаднага партнёрства. У ліку каштоўных малочных парод Аляксандр Ломскі пералічыў галштынскую і сіментальскую, а мясных - бельгійскую блакітную, лімузінскую.
Нарэшце, можа зацікавіць Паўночную Асецію і навуковы патэнцыял беларускіх сельскагаспадарчых ВНУ, якія займаюцца не толькі падрыхтоўкай, але і перападрыхтоўкай кадраў па шырокім спектры аграрных спецыяльнасцей.
У сваю чаргу кіраўнік Паўночнай Асеціі Сяргей Мяняйла таксама ўнёс шэраг канструктыўных прапаноў для развіцця адносін з Беларуссю ў галіне сельскай гаспадаркі. Было адзначана, што на долю рэгіёна прыпадае 20 працэнтаў фарэлевага рынку Расіі. У стадыі прапрацоўкі будаўніцтва ў рэгіёне селекцыйнага цэнтра па аквакультуры - адзінага на поўдні федэрацыі, дзе ў далейшым будуць вырошчваць, акрамя фарэлі, іншыя віды рыб. Тэхналогіяй вытворчасці і рыб, і камбікармоў для іх расійскія калегі гатовы дзяліцца з беларускімі спецыялістамі.
Пэўныя перспектывы для развіцця адносін з Беларуссю бачацца таксама ў агародніцтве і пладаводстве. Паводле слоў Сяргея Мяняйлы, у Паўночнай Асеціі функцыянуе буйнейшая ў Расіі гаспадарка па вырошчванні спаржы, якая яшчэ каля 30 гадоў таму лічылася нетыповай культурай для расійскіх аграрыяў. Шмат збіраюць у Аланіі яблыкаў, ставячы іх вырошчванне на паток і абнаўляючы сады, а не так даўно ў рэгіёне пачалі адраджаць вінаградарства і культываваць буякі. Рэгулярна там праводзіцца і канферэнцыя бульбаводаў, прыняць удзел у якой прыязджаюць прафесіяналы як з розных куткоў федэрацыі, так і з далёкага замежжа, у прыватнасці Канады. Па кожным з пералічаных вектараў, як лічыць кіраўнік паўночнакаўказскай рэспублікі, можна шукаць агульныя інтарэсы з беларускімі аграрыямі, прадпрыемствамі, вучонымі.
У развіццё тэмы намеснік старшыні канцэрна "Белдзяржхарчпрам" Аляксандр Якоўчыц адзначыў для расіян, што Маларыцкі кансерваваагароднінасушыльны камбінат закупляе яблыкі для вытворчасці сокаў прамога адціскання ў немалых аб'ёмах, а філіял Гарадзейскага цукровага камбіната ў Стоўбцах вырабляе кансервы са спаржавай фасолі. Магчымыя варыянты для супрацоўніцтва прадпрыемствы разгледзяць.
Зверыўшы гадзіннікі па перспектыўных з пункту гледжання партнёраў напрамках, прадстаўнікі Беларусі і Паўночнай Асеціі падкрэслілі: супрацоўніцтва трэба выбудоўваць так, каб не бегчы навыперадкі на рынку, а ўзаемадапаўняць адзін аднаго ў пастаўках тавараў і тэхналогіях.
Візіт дэлегацыі Рэспублікі Паўночная Асеція - Аланія ў Беларусь праходзіць з 11 па 14 лютага. Расійскія партнёры наведалі ўжо Мінскі аўтамабільны завод і шэраг іншых буйнейшых машынабудаўнічых прадпрыемстваў. Запланаваны таксама перагаворы ў беларускім урадзе.-0-
Падпісвайцеся на нас у
