Поўная версія

Дэпутаты ратыфікавалі беларуска-расійскі пратакол у сферы нафты і нафтапрадуктаў

Эканоміка 10.10.2019 | 14:02
Фота з архіва
Фота з архіва

10 кастрычніка, Мінск /Кар. БЕЛТА/. Палата прадстаўнікоў сёння на пасяджэнні ратыфікавала пратакол аб унясенні змяненняў у пагадненне паміж урадамі Беларусі і РФ аб мерах па ўрэгуляванні гандлёва-эканамічнага супрацоўніцтва ў галіне экспарту нафты і нафтапрадуктаў ад 12 студзеня 2007 года, перадае карэспандэнт БЕЛТА.

Пратакол прадугледжвае дакладны рэгламент экспарту нафты і нафтапрадуктаў, расказаў журналістам намеснік старшыні Пастаяннай камісіі па эканамічнай палітыцы Палаты прадстаўнікоў Аляксей Сокал.

Яшчэ адным важным момантам ён назваў абарону ўнутранага рынку і айчынных прадпрыемстваў. Так, згодна з дакументам, бакі ўзгадняюць да 1 кастрычніка кожнага года балансы на наступны каляндарны год з пазначэннем віду і колькасці тавараў, прызначаных для паставак з Расіі ў Беларусь для задавальнення яе ўнутраных патрэб. "Гэта дае пэўную стабільнасць і самае галоўнае - загрузку нашых нафтаперапрацоўчых прадпрыемстваў", - падкрэсліў парламентарый.

Рэалізацыя пратакола стане дадатковым крокам па ўрэгуляванні двухбаковых адносін у галіне экспарту нафты і нафтапрадуктаў, паглыблення ўзаемавыгаднага супрацоўніцтва ў гэтай сферы, дадаў дэпутат.

Як паведамлялася, пратакол быў падпісаны ў Маскве 10 кастрычніка 2018 года. Ім удакладняецца працэдура ўзгаднення індыкатыўных балансаў па нафце і нафтапрадуктах, працэдура змянення балансаў, а таксама іншыя пытанні супрацоўніцтва ў галіне нафты і нафтапрадуктаў. Акрамя таго, дакументам вызначаны пералік тавараў, па якіх складаюцца індыкатыўныя балансы: да іх адносяцца бензіны, дызельнае паліва, мазут топачны, а таксама прадукцыя нафтахіміі.

Для тавараў, якія ў пераліку не пазначаны, прадугледжваецца, што працэдура іх вывазу ажыццяўляецца без складання індыкатыўных балансаў.-0-

Навіны рубрыкі Эканоміка
Фота Pixabay Рост ВУП на 2,8 працэнта і экспарту на 3,6 працэнта - урад дапрацаваў прагнозныя дакументы на 2020 год
18 Кастрычнік, 19:43
Мінэканомікі: у Беларусі няма канцэптуальных рознагалоссяў з СБ па падрыхтоўцы дарожнай карты
18 Кастрычнік, 19:30
Цэнтрабанкі Беларусі і РФ прапрацуюць стварэнне ІТ-платформы для здзелак па гандлёвым фінансаванні
18 Кастрычнік, 19:09
Сяргей Румас Беларусь гатова ўдзельнічаць у будаўніцтве аб'ектаў і пастаўляць тэхніку ў Наўгародскую вобласць
18 Кастрычнік, 18:40
У Беларусі засталося ўбраць 4,3 працэнта плошчаў бульбы і 27,5 працэнта агародніны
18 Кастрычнік, 10:53
Снапкоў: Беларусь за няпоўныя 30 гадоў прайшла ўнікальны шлях эканамічнай трансфармацыі
18 Кастрычнік, 09:00
Фота з архіва Нацбанк: інфляцыя ў Беларусі да канца года стабілізуецца паблізу 5 працэнтаў
17 Кастрычнік, 17:06
Стратэгію развіцця нафтахімічнага комплексу-2030 плануецца вызначыць да канца года
17 Кастрычнік, 16:10
Наўгародскія аграрыі галасуюць за беларускую тэхніку - губернатар расійскага рэгіёна
17 Кастрычнік, 15:52
Поўная версія