Поўная версія

Даходы бюджэту СД у 2020 годзе складуць 5,5 млрд расійскіх рублёў

Эканоміка 29.10.2019 | 12:15
Фота з архіва
Фота з архіва

29 кастрычніка, Мінск /Кар. БЕЛТА/. Даходы бюджэту Саюзнай дзяржавы ў 2020 годзе складуць 5 млрд 521 млн расійскіх рублёў. Аб гэтым сёння журналістам паведаміла член Камісіі Парламенцкага сходу Саюза Беларусі і Расіі па бюджэце і фінансах Вольга Палітыка, перадае карэспандэнт БЕЛТА.

Вольга Палітыка звярнула ўвагу, што ў апошнія гады рэкорднымі тэмпамі скарачаецца прафіцыт бюджэту, гэта значыць нявыкарыстаныя астаткі, якія пераходзілі з году ў год. "Фактычна прафіцыт бюджэту будзе 24,4 млн расійскіх рублёў, хоць яшчэ ў 2018 годзе бюджэт быў з прафіцытам у памеры два з нечым мільярды", - сказала парламентарый.

"Цешыць сябе не трэба. Аб'ём саміх сродкаў не павялічваецца тымі тэмпамі, з якімі мы хацелі б фінансаваць саюзныя праграмы і праекты. Асабліва гэта датычыцца навукова-тэхнічных праграм", - адзначыла Вольга Палітыка. Дэпутат лічыць, што асноўнымі крыніцамі папаўнення даходнай часткі бюджэту павінны стаць даходы, якія атрымліваюць ад рэалізацыі гэтых праграм. Перашкаджае гэтаму ў тым ліку тое, што беларускім бокам парадак уліку саюзнай маёмасці і вынікаў ад выканання навукова-тэхнічных праграм урэгуляваны, а расійскім яшчэ не. "Між тым патэнцыял нашых краін, асабліва навукова-тэхнічны, вялікі. Гэта даказала паспяховая рэалізацыя касмічных праграм", - падкрэсліла дэпутат.

На наступны год плануецца 11 саюзных праграм, 2 праекты і 25 мерапрыемстваў.-0-

Навіны рубрыкі Эканоміка
Поўная версія