Поўная версія

"Белнафтахім" праводзіць у Башкортастане перагаворы па пашырэнні супрацоўніцтва

Эканоміка 21.05.2019 | 14:32

21 мая, Мінск /Кар. БЕЛТА/. Дэлегацыя беларускага нафтахімічнага комплексу наведвае Рэспубліку Башкортастан (РФ), дзе праводзіць перагаворы па пашырэнні супрацоўніцтва з арганізацыямі рэгіёна, паведамілі БЕЛТА ў прэс-службе канцэрна "Белнафтахім".

Прадстаўнікі канцэрна ў складзе беларускай дэлегацыі прымаюць удзел у мерапрыемствах Расійскага нафтагазахімічнага форуму, якія праходзяць ва Уфе 20-22 мая. Намеснік старшыні канцэрна Андрэй Бунакоў з прывітальным словам выступіў на адкрыцці міжнароднай выстаўкі "Газ. Нафта. Тэхналогіі", дзе агульным стэндам былі прадстаўлены прадпрыемствы беларускай нафтахіміі: "Беларуснафта", "Белшына", "Магілёўхімвалакно", Мазырскі НПЗ, "Нафтан", а таксама гандлёвае прадстаўніцтва канцэрна ў РФ ТАА "Белнафтахім-РАС".

Ва Уфе адбылося сумеснае пашыранае пасяджэнне рабочай групы па супрацоўніцтве Башкортастана і Беларусі. Абмеркаваны пытанні паглыблення супрацоўніцтва ў галіне прамысловасці і міжрэгіянальнай кааперацыі.

Андрэй Бунакоў таксама правёў перагаворы аб пашырэнні супрацоўніцтва з шэрагам арганізацый рэгіёна, утым ліку АТ "ШКЛАНіТ", якое выпускае шкловалакністую прадукцыю і з'яўляецца партнёрам беларускага прадпрыемства ААТ "Полацк-Шкловалакно".

Экспарт арганізацый "Белнафтахіма" ў Башкортастан у I квартале 2019 года вырас на $570 тыс. да $2,16 млн (135,9 працэнта да аналагічнага перыяду 2018 года). Прадпрыемствы канцэрна пастаўляюць у Башкортастан сінтэтычныя ніці, нятканыя матэрыялы, вырабы на аснове шкловалакна, трыкатажныя палотны, спецыялізаванае абсталяванне. У сваю чаргу башкірскія вытворцы забяспечваюць арганізацыі беларускай нафтахіміі араматычнымі вуглевадародамі, тэрэфталевай кіслатой, сінтэтычнымі каўчукамі, звадкаванымі нафтавымі газамі, каталізатарамі, рознымі палімерамі.

"Белнафтахім" па даручэнні Беларусі з'яўляецца адказным за развіццё супрацоўніцтва краіны з Башкортастанам - адным з буйнейшых і прамыслова развітых рэгіёнаў РФ. Па выніках 2018 года тавараабарот Башкортастана і Беларусі склаў $734,7 млн і вырас у 1,4 раза да 2017 года.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
Учора 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
Учора 16:02
Мінтранс распрацоўвае генеральную схему развіцця прыдарожнага сэрвісу да 2025 года
Учора 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
Учора 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
Учора 14:13
Урад Беларусі прапануе Сусветнаму банку ўзгадніць дарожную карту рэформ у верасні
Учора 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія