Поўная версія

БелАЗ у студзені-красавіку ў 1,3 раза павялічыў экспарт у краіны далёкага замежжа

Эканоміка 22.05.2019 | 18:53

22 мая, Мінск /Кар. БЕЛТА/. Пастаўкі прадукцыі ААТ "БелАЗ" у краіны далёкага замежжа ў студзені-красавіку 2019 года павялічыліся ў параўнанні з аналагічным перыядам мінулага года ў 1,3 раза, паведамілі БЕЛТА на прадпрыемстве.

На экспарт у студзені-красавіку было рэалізавана 96 працэнтаў тэхнікі і запасных частак завода. "Пастаўкі ў далёкае замежжа ў параўнанні са студзенем-красавіком 2018 года павялічыліся ў 1,3 раза. Самай "велікагрузнай" пастаўкай, у прыватнасці, стала партыя 220-тонных кар'ерных самазвалаў у Сербію", - паведамілі ў ААТ.

Тэхніка БелАЗ адпраўлена ў Балгарыю, Боснію і Герцагавіну, Манголію, Польшчу, Філіпіны, Чэхію, Чылі, Эстонію і іншыя краіны. У цэлым за чатыры месяцы бягучага года геаграфія паставак прадпрыемства налічвала 23 краіны свету.

Асноўнымі партнёрамі Беларускага аўтамабільнага завода з'яўляюцца горназдабыўныя прадпрыемствы Расіі, Узбекістана і Украіны. Лідзіруюць у агульным аб'ёме адгрузкі 110-130-тонныя кар'ерныя самазвалы (28 працэнтаў), а таксама 220-240-тонныя (25 працэнтаў) і 45-тонныя (15 працэнтаў).

Як адзначаюць на прадпрыемстве, пастаяннае пашырэнне геаграфіі партнёрства, а таксама шматвектарнасць знешнегандлёвай дзейнасці з'яўляюцца прыярытэтнымі напрамкамі дзейнасці завода.

ААТ "БелАЗ" - кіруючая кампанія холдынга "БелАЗ-Холдынг" (Жодзіна) - буйнейшы сусветны вытворца кар'ерных самазвалаў вялікай і асабліва вялікай грузападымальнасці, а таксама іншага цяжкага транспартнага абсталявання, якое прымяняецца ў горназдабыўной і будаўнічай галінах.-0-

Навіны рубрыкі Эканоміка
Фота Pixabay Рост ВУП на 2,8 працэнта і экспарту на 3,6 працэнта - урад дапрацаваў прагнозныя дакументы на 2020 год
19:43
Мінэканомікі: у Беларусі няма канцэптуальных рознагалоссяў з СБ па падрыхтоўцы дарожнай карты
19:30
Цэнтрабанкі Беларусі і РФ прапрацуюць стварэнне ІТ-платформы для здзелак па гандлёвым фінансаванні
19:09
Сяргей Румас Беларусь гатова ўдзельнічаць у будаўніцтве аб'ектаў і пастаўляць тэхніку ў Наўгародскую вобласць
18:40
У Беларусі засталося ўбраць 4,3 працэнта плошчаў бульбы і 27,5 працэнта агародніны
10:53
Снапкоў: Беларусь за няпоўныя 30 гадоў прайшла ўнікальны шлях эканамічнай трансфармацыі
09:00
Фота з архіва Нацбанк: інфляцыя ў Беларусі да канца года стабілізуецца паблізу 5 працэнтаў
Учора 17:06
Стратэгію развіцця нафтахімічнага комплексу-2030 плануецца вызначыць да канца года
Учора 16:10
Наўгародскія аграрыі галасуюць за беларускую тэхніку - губернатар расійскага рэгіёна
Учора 15:52
Поўная версія