Поўная версія

Беларускі вопыт прадстаўлены на Міжнародным мытным дыялогу паміж Кітаем і краінамі ЕАЭС

Эканоміка 17.06.2019 | 14:51
Фота ДМК
Фота ДМК

17 чэрвеня, Мінск /Кар. БЕЛТА/. Дэлегацыя Дзяржаўнага мытнага камітэта Беларусі прыняла ўдзел у I Міжнародным мытным дыялогу высокага ўзроўню паміж Кітаем і краінамі ЕАЭС у Харбіне, дзе прадставіла беларускі вопыт у галіне мытнага рэгулявання і бяспекі ланцуга паставак, паведамілі БЕЛТА ў ДМК.

Першы намеснік старшыні Дзяржаўнага мытнага камітэта Уладзімір Арлоўскі расказаў аб спрашчэннях, што прымяняюцца мытняй у Кітайска-беларускім парку "Вялікі камень", а таксама аб выніках пілотнага праекта па прымяненні электронных пломбаў пры аўтамабільных перавозках, перавагах узаемнага прызнання статусаў добрасумленнага бізнесу Беларусі і Кітая.

Таксама абмяркоўваліся бягучыя і перспектыўныя напрамкі аптымізацыі трансгранічнага таварнага руху па чыгуначным маршруце "Кітай-Еўропа-Кітай" праз Беларусь, меры па практычнай рэалізацыі міжнароднага пагаднення паміж ЕАЭС і КНР аб абмене мытнай інфармацыяй, падпісанага 6 чэрвеня.

Акрамя таго, адбыліся сустрэчы з намеснікам міністра Галоўнага мытнага ўпраўлення КНР Ван Лінцзюнам, віцэ-губернатарам правінцыі Хэйлунцзян Чэн Чжынінам і кіраўнікамі дэлегацый мытных службаў краін ЕАЭС і Еўразійскай эканамічнай камісіі, кіраўніцтвам Харбінскай мытні і мытні "Бінчэн". Удзельнікі абмяняліся прагрэсіўнымі мытнымі практыкамі, прадэманстравалі сучасныя тэхнічныя рашэнні ў правядзенні мытных экспертыз, электронным афармленні тавараў, апрацоўцы адпраўленняў электроннай камерцыі, выкарыстанні мабільных інспекцыйна-надглядных комплексаў.

Афіцыйны прадстаўнік беларускай мытні ў Кітаі Дзмітрый Кавалёнак прыняў удзел у дыялогу паміж прадстаўнікамі дзяржавы і бізнесу Кітая і рускамоўных краін на тэму "Электронны гандаль у рамках развіцця Шаўковага шляху", дзе прадставіў беларускую мадэль мытнага афармлення і кантролю тавараў электроннай камерцыі.-0-

Навіны рубрыкі Эканоміка
Фота Pixabay Рост ВУП на 2,8 працэнта і экспарту на 3,6 працэнта - урад дапрацаваў прагнозныя дакументы на 2020 год
19:43
Мінэканомікі: у Беларусі няма канцэптуальных рознагалоссяў з СБ па падрыхтоўцы дарожнай карты
19:30
Цэнтрабанкі Беларусі і РФ прапрацуюць стварэнне ІТ-платформы для здзелак па гандлёвым фінансаванні
19:09
Сяргей Румас Беларусь гатова ўдзельнічаць у будаўніцтве аб'ектаў і пастаўляць тэхніку ў Наўгародскую вобласць
18:40
У Беларусі засталося ўбраць 4,3 працэнта плошчаў бульбы і 27,5 працэнта агародніны
10:53
Снапкоў: Беларусь за няпоўныя 30 гадоў прайшла ўнікальны шлях эканамічнай трансфармацыі
09:00
Фота з архіва Нацбанк: інфляцыя ў Беларусі да канца года стабілізуецца паблізу 5 працэнтаў
Учора 17:06
Стратэгію развіцця нафтахімічнага комплексу-2030 плануецца вызначыць да канца года
Учора 16:10
Наўгародскія аграрыі галасуюць за беларускую тэхніку - губернатар расійскага рэгіёна
Учора 15:52
Поўная версія