Поўная версія

Беларусь пры ўступленні ў СГА гатова да пошуку кампрамісаў без шкоды для нацыянальных інтарэсаў - Турчын

Эканоміка 11.07.2019 | 17:01
У час пасяджэння. Фота прэс-службы ўрада
У час пасяджэння. Фота прэс-службы ўрада

11 ліпеня, Мінск /Кар. БЕЛТА/. Беларусь пры ўступленні ў Сусветную гандлёвую арганізацыю гатова да пошуку кампрамісаў, якія не супярэчаць нацыянальным інтарэсам краіны. Аб гэтым паведаміў першы намеснік прэм'ер-міністра Беларусі Аляксандр Турчын на 12-м пасяджэнні рабочай групы СГА па далучэнні Беларусі, якое прайшло сёння ў Жэневе, паведамілі БЕЛТА ў прэс-службе ўрада.

Аляксандр Турчын інфармаваў удзельнікаў пасяджэння аб развіцці беларускай эканомікі, руху наперад на шляху ўступлення ў СГА і выніках, дасягнутых пасля папярэдняга пасяджэння рабочай групы ў лютым 2019 года. Першы віцэ-прэм'ер заклікаў краіны СГА падтрымаць намаганні Беларусі па больш хуткім афармленні членства ў СГА, якое магло б адбыцца ў час 12-й міністэрскай канферэнцыі СГА ў чэрвені 2020 года.

У пасяджэнні прынялі ўдзел прадстаўнікі больш як 50 краін - членаў СГА. Прадстаўнікі ЗША, ЕС, Расіі, Казахстана, Арменіі, Кыргызстана, Украіны, Індыі, Кітая, Аргенціны, Аўстраліі, Бразіліі, В'етнама, Канады, Турцыі, Швейцарыі, Японіі, Карэі, Коста-Рыкі, Кубы, Эквадора, Сальвадора, Грузіі і іншых краін у сваіх выступленнях падтрымалі захады, якія робяцца ўрадам Беларусі па далучэнні да СГА, і выказалі гатоўнасць да актыўнай работы з Беларуссю ў 2019 годзе для хутчэйшага завяршэння перагаворнага працэсу.

На пасяджэнні абмяркоўваўся праект даклада рабочай групы. Беларуская дэлегацыя прадаставіла адказы на ўсе пытанні. Пасля атрымання пісьмовых пытанняў ад членаў СГА беларускі бок падрыхтуе новую рэдакцыю праекта даклада рабочай групы. Яна будзе разгледжана на чарговым пасяджэнні рабочай групы арыенціровачна ў канцы 2019 года.

У склад беларускай дэлегацыі ўвайшлі міністр эканомікі Дзмітрый Крутой, міністр фінансаў Максім Ермаловіч, міністр антыманапольнага рэгулявання і гандлю Уладзімір Калтовіч, першы намеснік міністра замежных спраў Андрэй Еўдачэнка, а таксама прадстаўнікі Мінсельгасхарча, Нацыянальнага банка, Мінюста, Міністэрства аховы здароўя, Мінсувязі, Мінпрама, ДМК, Дзяржстандарту, "Белдзяржхарчпрама", "Беллегпрама", Нацыянальнага цэнтра інтэлектуальнай уласнасці і пастаяннага прадстаўніцтва Беларусі ў Жэневе.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
Учора 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
Учора 16:02
Мінтранс распрацоўвае генеральную схему развіцця прыдарожнага сэрвісу да 2025 года
Учора 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
Учора 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
Учора 14:13
Урад Беларусі прапануе Сусветнаму банку ўзгадніць дарожную карту рэформ у верасні
Учора 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія