Поўная версія

Беларусь плануе ў 2019 годзе прыцягнуць не менш як $1,6 млрд ПЗІ на чыстай аснове

Эканоміка 10.06.2019 | 14:15

10 чэрвеня, Мінск /Кар. БЕЛТА/. Беларусь плануе ў 2019 годзе прыцягнуць не менш як $1,6 млрд прамых замежных інвестыцый на чыстай аснове, паведаміла сёння на прэс-канферэнцыі намеснік міністра эканомікі Алена Пермінава, перадае карэспандэнт БЕЛТА.

"Вынікі 2018 года былі для нас вельмі пазітыўныя: прамыя замежныя інвестыцыі на чыстай аснове склалі каля $1,5 млрд. Прагнозны паказчык быў выкананы. У гэтым годзе наша задача - прыцягнуць не менш як $1,6 млрд прамых замежных інвестыцый на чыстай аснове, таму што менавіта яны з улікам недаўгавой асновы з'яўляюцца прыярытэтам для інвестыцыйнай палітыкі Беларусі", - сказала Алена Пермінава.

Захоўваюцца трэнды па дыверсіфікацыі інвестыцыйных патокаў. "У нас патокі з Еўрапейскага саюза перасягнулі ў гэтым годзе патокі з Расійскай Федэрацыі, хоць з улікам нашай стратэгічнай дружбы, суседства, адсутнасці моўнага бар'ера Расія заўсёды лідзіравала", - адзначыла намеснік міністра. Што датычыцца Кітая, ён застаецца ў топ-3 донараў прамых замежных інвестыцый і ў топ-3 як гандлёва-эканамічны партнёр.

Распрацаваны праект стратэгіі прыцягнення прамых замежных інвестыцый у Беларусь да 2035 года. Ён прадугледжвае рост аб'ёму ПЗІ на чыстай аснове ў два разы да 2025 года - да $3 млрд. "Перад намі стаіць задача да 2025 года падвоіць ВУП - да $100 млрд. Асноўнымі драйверамі атрымання гэтага выніку будуць экспарт, інвестыцыі і развіццё прадпрымальніцтва - малога і сярэдняга бізнесу. Прамыя замежныя інвестыцыі на чыстай аснове ў памеры $3 млрд неабходныя нашай эканоміцы. Таму ў стратэгіі прыцягнення ПЗІ да 2035 года прапісаны механізмы, прынятыя ва ўсім свеце, - работа па ўдасканаленні інвестыцыйнага заканадаўства, спрашчэнні адміністрацыйных працэдур для бізнесу, далейшай лічбавізацыі ўсіх працэсаў, каб максімальна выключыць у будучым суб'ектыўны падыход да вырашэння задач. Усё павінна быць проста: прадставіў пакет дакументаў па электроннай пошце або ў анлайн-рэжыме, атрымаў неабходнае ўзгадненне, пачаў работу", - падкрэсліла Алена Пермінава.

Запланавана таксама актыўная работа па прыцягненні замежных інвестыцый і пашырэнні інвестыцыйнага патэнцыялу Беларусі за мяжой, у тым ліку з дапамогай такіх мерапрыемстваў, як дні эканомікі Беларусі, інвестыцыйныя форумы, канферэнцыі, сустрэчы з бізнесам. Будзе праводзіцца і пошук новых механізмаў пашырэння.

Акрамя таго, плануецца ўдасканаліць работу Нацыянальнага агенцтва інвестыцый і прыватызацыі. Агенцтва перайшло ўжо на новы фармат работы па прынцыпе праектнага офіса: кожны супрацоўнік замацаваны за пэўным інвестыцыйным праектам альбо патэнцыяльным інвестарам.-0-

Навіны рубрыкі Эканоміка
Фота ААТ "Полацктранснафта Дружба" "Полацктранснафта Дружба" плануе поўнасцю ачысціць ветку Унеча-Полацк 2 ад бруднай нафты да 25 ліпеня
Учора 16:20
Прадстаўнікі расійскага бізнесу прапануюць унесці змяненні ў тэхрэгламенты ЕАЭС па малочных прадуктах
Учора 16:02
Мінтранс распрацоўвае генеральную схему развіцця прыдарожнага сэрвісу да 2025 года
Учора 15:35
Фота з архіва Праверыць дзелавую рэпутацыю суб'екта гаспадарання можна на адзіным партале электронных паслуг
Учора 14:41
Урад Беларусі зацвердзіў парадак узаемадзеяння дзяржорганаў пры імпарце нафтапрадуктаў з РФ
Учора 14:13
Урад Беларусі прапануе Сусветнаму банку ўзгадніць дарожную карту рэформ у верасні
Учора 13:56
Міхаіл Мясніковіч Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн
18 Ліпень, 17:10
Субоцін: бар'еры на ўнутраным рынку ЕАЭС павінны быць ліквідаваны ў самы кароткі тэрмін
18 Ліпень, 16:54
У Беларусі выцераблена каля трэці плошчаў лёну
18 Ліпень, 14:27
Поўная версія