Поўная версія

Беларусь і Свярдлоўская вобласць хочуць разам распрацоўваць рашэнні для лічбавых эканомік

Эканоміка 21.10.2019 | 12:19
Яўген Куйвашаў
Яўген Куйвашаў

21 кастрычніка, Мінск /Кар. БЕЛТА/. Беларусь і Свярдлоўская вобласць хочуць разам распрацоўваць рашэнні для лічбавых эканомік. Аб гэтым заявіў сёння журналістам губернатар Свярдлоўскай вобласці Расіі Яўген Куйвашаў пасля сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Сферу высокіх тэхналогій кіраўнік расійскага рэгіёна назваў адным з перспектыўных напрамкаў супрацоўніцтва. У дэлегацыю Свярдлоўскай вобласці ўвайшлі спецыялісты буйной кампаніі "СКБ Контур", якая распрацоўвае сэрвісы для бухгалтэрыі і бізнесу. "Мы прывезлі сюды нашых спецыялістаў, каб сумеснымі намаганнямі выводзіць нашы эканомікі на лічбавую платформу", - адзначыў Яўген Куйвашаў.

Бакі маюць намер таксама паглыбляць прамысловую кааперацыю. На думку Аляксандра Лукашэнкі, вялікі патэнцыял ёсць у машынабудаванні. У расійскім рэгіёне таксама падтрымліваюць гэту прапанову. "На наш погляд, супрацоўніцтва расійскіх прадпрыемстваў з беларускімі калегамі прынясе значную карысць. Вядома ж, гэта пытанні, звязаныя з машынабудаваннем. БелАЗ з уральскім рухавіком прайшоў ужо выпрабаванне і паехаў працаваць на кар'ер. Мы і далей плануем пашыраць супрацоўніцтва", - сказаў губернатар. Свярдлоўская вобласць гатова закупляць беларускую камунальную, сельскагаспадарчую тэхніку.

У 2023 годзе ў Екацярынбургу пройдзе Сусветная летняя ўніверсіяда. Гарадскія ўлады і будаўнічыя кампаніі зацікавіліся беларускім вопытам падрыхтоўкі да буйнейшых спаборніцтваў, заявіў Яўген Куйвашаў.

Пасол Расіі ў Беларусі Дзмітрый Мезенцаў, які таксама прысутнічаў на сустрэчы, падкрэсліў, што бакі пацвердзілі ранейшыя дамоўленасці аб супрацоўніцтве ў машынабудаванні, жыллёва-камунальнай гаспадарцы, будаўніцтве, харчовай прамысловасці, турызме і культуры. "Гэта магутныя перспектывы, - канстатаваў дыпламат. - Гэта падмацоўвае стылістыку Саюзнай дзяржавы. На этапе падрыхтоўкі да 8 снежня (будзе адзначацца 20-годдзе Дагавора аб стварэнні Саюзнай дзяржавы. - Заўвага БЕЛТА) гэта вельмі важна".-0-

Навіны рубрыкі Эканоміка
У час выстаўкі. Фота выставачнага прадпрыемства "Белінтэрэкспа" Беларускія вытворцы прадставілі сваю прадукцыю на Agro Food Drink Tech Expo ў Тбілісі
Учора 18:12
Прапрацоўваецца пытанне будаўніцтва новага шклянога завода ў Беларусі
Учора 17:36
Румас прыме ўдзел у інвестыцыйным саміце "Усходняга партнёрства" ў Лондане
Учора 16:32
Фота з архіва Праект закона аб дзяржрэгістрацыі і ліквідацыі суб'ектаў гаспадарання можна абмеркаваць да 6 снежня
Учора 14:51
Emaar Properties зоймецца ў Беларусі гасцінічным бізнесам
Учора 13:57
Стратэгію развіцця вытворча-гаспадарчых сістэм абмяркуюць эканамісты з шасці краін у Гомелі
Учора 10:03
Фота з архіва Беларусь і Манголія абмеркавалі развіццё супрацоўніцтва ў экспартным крэдытаванні
20 Лістапад, 19:18
У Беларусі вызначаны арганізацыі, якія пералічаць частку прыбытку ў фонд нацразвіцця
20 Лістапад, 19:02
У Беларусі адзначаецца не толькі колькасны, але і якасны рост прадпрымальніцтва - Румас
20 Лістапад, 18:47
Поўная версія