Поўная версія

Беларусь і Сусветны банк плануюць рэалізаваць праект па падтрымцы МСП

Эканоміка 13.11.2018 | 15:57
Дзмітрый Крутой у час выступлення
Дзмітрый Крутой у час выступлення

13 лістапада, Мінск /Кар. БЕЛТА/. Беларусь і Сусветны банк плануюць рэалізаваць праект па падтрымцы малога і сярэдняга бізнесу, паведаміў міністр эканомікі Дзмітрый Крутой на палях Сусветнага тыдня прадпрымальніцтва, перадае карэспандэнт БЕЛТА.

"Банкаўскія структуры бачаць перспектыву развіцця сегмента малога і сярэдняга бізнесу і прапануюць крэдытныя праграмы па падтрымцы прадпрымальнікаў. Мы ўсяляк падтрымліваем банкі ў гэтым працэсе і ўдзяляем гэтаму вялікую ўвагу. На прыкладзе Банка развіцця будзе рэалізаваны кампіляваны праект: акрамя нашых традыцыйных айчынных рэсурсаў мы ўпершыню дамовіліся з Сусветным банкам аб выдзяленні асобнай крэдытнай лініі на падтрымку малога і сярэдняга бізнесу. Спадзяёмся, Банк развіцця ў час Тыдня прадпрымальніцтва прэзентуе гэты прадукт", - сказаў Дзмітрый Крутой. Паводле яго слоў, у далейшым, пры паспяховай рэалізацыі праекта, Сусветны банк гатовы абмяркоўваць павелічэнне фінансавання.

У Беларусі пачынае працаваць Еўрапейскі інвестыцыйны банк. "На наступным тыдні мы чакаем візіт віцэ-прэзідэнта гэтага банка, будзе абмяркоўвацца шэраг праектаў, у тым ліку па падтрымцы малога бізнесу", - дадаў міністр.

У гутарцы з карэспандэнтам БЕЛТА кіраўнік прадстаўніцтва Сусветнага банка ў Беларусі Алекс Крэмер адзначыў, што Беларусь аднавілася пасля рэцэсіі 2015-2016 гадоў і цяпер прыватны бізнес будзе працаваць ва ўмовах стабільнасці. "Акрамя таго, у мінулым годзе быў прыняты пакет дакументаў па развіцці прадпрымальніцтва. Сусветны банк вітаў і ўсяляк падтрымліваў прыняцце гэтых дакументаў", - дадаў ён.

На думку Алекса Крэмера, для далейшага паспяховага развіцця прадпрымальніцтва ў Беларусі неабходна пашырэнне ўзаемадзеяння дзяржорганаў з бізнесам і вырашэнне праблемы даўгоў дзяржпрадпрыемстваў.

Сусветны тыдзень прадпрымальніцтва (GEW) - штогадовае глабальнае мерапрыемства, якое аб'ядноўвае 170 краін. У Беларусі Сусветны тыдзень прадпрымальніцтва арганізуецца з 2011 года. У бягучым годзе асноўныя мерапрыемствы праходзяць на пляцоўцы "Белэкспа" з 12 па 18 лістапада.-0-

Навіны рубрыкі Эканоміка
Фота з архіва МАРГ: інтэнсіўнасць росту цэн на агародніну і фрукты ў лістападзе значна знізілася
09:51
Рабочая група для павышэння энергаэфектыўнасці на аб'ектах сацсеткі створана ў Беларусі
09:39
"Белнафтахім" пацвердзіў падпісанне з РФ нафтавага балансу з РФ на 2020 год у аб'ёме 24 млн т
09:13
Фота з архіва Мінтранс: дазволы на перавозкі размяркоўвалі з улікам эфектыўнасці, Польшчы прапаноўвалі бездазвольную сістэму
Учора 18:07
ДМК і China Merchants Group будуць супрацоўнічаць у сферы рэгулявання дзейнасці "Вялікага каменя"
Учора 17:10
Беларусь вывучае міжнародны вопыт развіцця і стымулявання інавацыйнага бізнесу
Учора 15:33
Уладзімір Калтовіч Беларусь і Польшча могуць атрымаць больш выгады ад свайго суседства - Калтовіч
Учора 14:00
Механізм электроннага абарачэння гарантый паміж банкамі і мытнымі органамі ўкарэняць у Беларусі
Учора 12:10
У лістападзе падаражэлі перац і грэчка, патаннелі - капуста і ікра
Учора 10:38
Поўная версія