Поўная версія

Беларусь і Архангельская вобласць пацвердзілі гатоўнасць да паглыблення вытворчай кааперацыі

Эканоміка 15.10.2019 | 17:53

15 кастрычніка, Масква /Эдуард Півавар - БЕЛТА/. Пасол Беларусі ў Расіі Уладзімір Сямашка сёння ў час візіту ў Архангельскую вобласць сустрэўся з губернатарам гэтага расійскага рэгіёна Ігарам Арловым, паведамілі БЕЛТА ў прэс-службе дыппрадстаўніцтва.

"Бакі абмеркавалі пытанні двухбаковага супрацоўніцтва і пацвердзілі гатоўнасць да далейшага нарошчвання аб'ёмаў тавараабароту, паглыблення вытворча-кааперацыйных сувязей, а таксама прыняцця эфектыўных механізмаў падтрымкі і стымулявання гандлёва-эканамічных адносін Беларусі і Архангельскай вобласці", - адзначылі ў прэс-службе.

Беларуская дэлегацыя наведала ТАА "Архтрансаўта". "Былі разгледжаны пытанні паставак пасажырскай тэхнікі ў рэгіён, - расказалі ў пасольстве. - Субяседнікі выказаліся за далейшае супрацоўніцтва з ААТ "Мінскі аўтамабільны завод" у пытаннях арганізацыі профільнага тэхнічнага сэрвісу беларускай тэхнікі і мадэрнізацыі парка пасажырскай тэхнікі расійскага рэгіёна".

Напярэдадні ў Архангельск з Мінска прыбылі два новыя аўтобусы МАЗ-103. Яны адрозніваюцца большай умяшчальнасцю салона і будуць задзейнічаны на цэнтральных гарадскіх маршрутах. Перадача аўтобусаў праходзіла пры ўдзеле беларускай дэлегацыі.

"Адбыліся таксама перагаворы з кіраўніцтвам АТ "Архангельскі доследны водарасцевы камбінат" і АТ "Архангельскі тралавы флот" - перспектыўнымі прадпрыемствамі Архангельска, якія выклікаюць цікавасць у плане наладжвання ўзаемавыгадных эканамічных адносін, - дадалі ў дыпмісіі. - Бакі разгледзелі пытанні бягучага ўзаемадзеяння беларускіх суб'ектаў гаспадарання з архангельскай бізнес-супольнасцю, а таксама перспектыўныя напрамкі супрацоўніцтва па ўзаемных пастаўках прадукцыі".-0-

Навіны рубрыкі Эканоміка
У час выстаўкі. Фота выставачнага прадпрыемства "Белінтэрэкспа" Беларускія вытворцы прадставілі сваю прадукцыю на Agro Food Drink Tech Expo ў Тбілісі
Учора 18:12
Прапрацоўваецца пытанне будаўніцтва новага шклянога завода ў Беларусі
Учора 17:36
Румас прыме ўдзел у інвестыцыйным саміце "Усходняга партнёрства" ў Лондане
Учора 16:32
Фота з архіва Праект закона аб дзяржрэгістрацыі і ліквідацыі суб'ектаў гаспадарання можна абмеркаваць да 6 снежня
Учора 14:51
Emaar Properties зоймецца ў Беларусі гасцінічным бізнесам
Учора 13:57
Стратэгію развіцця вытворча-гаспадарчых сістэм абмяркуюць эканамісты з шасці краін у Гомелі
Учора 10:03
Фота з архіва Беларусь і Манголія абмеркавалі развіццё супрацоўніцтва ў экспартным крэдытаванні
20 Лістапад, 19:18
У Беларусі вызначаны арганізацыі, якія пералічаць частку прыбытку ў фонд нацразвіцця
20 Лістапад, 19:02
У Беларусі адзначаецца не толькі колькасны, але і якасны рост прадпрымальніцтва - Румас
20 Лістапад, 18:47
Поўная версія