Поўная версія

Банк развіцця ў студзені-красавіку прафінансаваў праекты МСП на Br25 млн

Эканоміка 12.06.2019 | 18:05
Фота з архіва
Фота з архіва

12 чэрвеня, Мінск /Кар. БЕЛТА/. Банк развіцця ў студзені-красавіку прафінансаваў праекты малога і сярэдняга прадпрымальніцтва на суму каля Br25 млн, паведаміў сёння журналістам старшыня праўлення Банка развіцця Андрэй Жышкевіч перад пасяджэннем Савета па развіцці прадпрымальніцтва, перадае карэспандэнт БЕЛТА.

"Адзін з напрамкаў дзейнасці Банка развіцця - падтрымка малога і сярэдняга бізнесу. У нас ёсць вялікая праграма, па якой мы працуем праз партнёрскую сетку банкаў, лізінгавых кампаній. У гэтым напрамку з году ў год у нас дадатная дынаміка па аб'ёмах крэдытавання. За першыя чатыры месяцы бягучага года аб'ём фінансавання склаў прыкладна Br25 млн. У першым квартале заўсёды праходзіць перазаключэнне дагавораў, а да канца года ідзе рост, таму мы плануем па выніках года планы па фінансаванні МСП выканаць. Наша мэта - дасягнуць мінулагодняга ўзроўню, гэта значыць прыкладна Br200 млн", - сказаў Андрэй Жышкевіч.

У бягучым годзе ў Банка развіцця з'явіліся новыя прадукты ў сферы падтрымкі МСП. "Адзін з апошніх - спецыялізаваны прадукт з яшчэ больш ільготнай працэнтнай стаўкай па падтрымцы так званага сацыяльнага прадпрымальніцтва. Размова ідзе аб прадпрыемствах, якія або аказваюць паслугі інвалідам і іншым катэгорыям грамадзян, або прымаюць іх на работу. Мы разумеем, што важна стымуляваць такі бізнес і пашыраць магчымасць крэдытавання такіх праектаў", - адзначыў старшыня праўлення Банка развіцця.

Сёння на пасяджэнні Савета па развіцці прадпрымальніцтва абмяркоўваюцца актуальныя праблемы развіцця бізнесу і прыярытэтныя напрамкі работы савета, а таксама арганізацыя ўзаемадзеяння з тэрытарыяльнымі саветамі па развіцці прадпрымальніцтва і прадпрымальніцкімі саюзамі (асацыяцыямі). Акрамя таго, будуць разглядацца пытанні, звязаныя з дзейнасцю выканаўчага органа савета - Рэспубліканскага фонду садзейнічання развіццю прадпрымальніцтва.-0-

Навіны рубрыкі Эканоміка
Сяргей Румас у час сустрэчы Расійскі экспартны цэнтр гатоў падтрымаць беларускія прадпрыемствы ў асваенні рынкаў трэціх краін
14:44
Больш за 40 працэнтаў расходаў бюджэту на эканоміку Беларусі ў І паўгоддзі пайшло на сельскую гаспадарку
12:11
Міжнародная экалагічная экспедыцыя завяршыла на БелАЭС замеры "нулявога фону"
12:00
У час пасяджэння Зніжэнне дзярждоўгу і навацыі для бюджэту - якой будзе праграма кіравання дзяржфінансамі да 2025 года
10:34
"Беларуснафта" плануе павялічыць здабычу нафты на 20 тыс. т па выніках года
Учора 15:46
Беларусь у I паўгоддзі сэканоміла 442,2 тыс. т умоўнага паліва дзякуючы энергазберажэнню
Учора 13:29
Фота з архіва Міністры эканомікі ЕАЭС прапанавалі распрацаваць стратэгію пашырэння экспарту на знешнія рынкі
Учора 12:27
У Беларусі засталося ўбраць менш за 9 працэнтаў плошчы збожжавых
Учора 09:52
Белкаапсаюз: у лідарах па нарыхтоўцы агародніны Брэсцкая вобласць, яблыкаў - Магілёўская
Учора 09:42
Поўная версія