Поўная версія

Аршанскі льнокамбінат пачынае трэці этап мадэрнізацыі

Эканоміка 07.06.2019 | 19:57

7 чэрвеня, Мінск /Кар. БЕЛТА/. Аршанскі льнокамбінат у 2019-2020 гадах рэалізуе інвестыцыйны праект па мадэрнізацыі трэцяга вытворчага корпуса, паведаміла журналістам старшыня канцэрна "Беллегпрам" Таццяна Лугіна, перадае карэспандэнт БЕЛТА.

"Два вытворчыя блокі Аршанскага льнокамбіната ўжо мадэрнізаваны. На 2019-2020 гады запускаецца новы інвестыцыйны праект, арыентаваны на выпуск запатрабаванай прадукцыі", - адзначыла Таццяна Лугіна.

Як растлумачылі карэспандэнту БЕЛТА ў канцэрне, плануецца пашырэнне магутнасцей швейнай фабрыкі для паглыбленай перапрацоўкі тканін. Аб'ёмы выпуску гатовай прадукцыі павінны павялічыцца з 55 тыс. вырабаў у 2018 годзе да 300 тыс. да 2020-га. Паводле папярэдняй ацэнкі, для мадэрнізацыі спатрэбіцца $1,3 млн.

Мадэрнізацыя Аршанскага льнокамбіната праводзіцца паэтапна. У 2010-2014 гадах абноўлены лініі на фабрыцы нумар 3 па перапрацоўцы высоканумарнога доўгага льновалакна. Цяпер больш за 90 працэнтаў прадукцыі, якая тут выпускаецца, пастаўляецца на экспарт. У 2015-2017 гадах мадэрнізавана фабрыка нумар 2, дзе ў якасці сыравіны выкарыстоўваецца сярэдненумарное доўгае льновалакно, выкананы комплекс работ па ўстараненні вузкіх месцаў у тэхналагічным працэсе і паляпшэнні ўмоў працы на іншых аб'ектах камбіната.

Агульны аб'ём інвестыцый у праекты склаў $116,8 млн, з якіх 65,5 працэнта накіравана на закупку звыш 770 адзінак абсталявання вядучых сусветных вытворцаў. Падбор тэхналогій праводзіўся з улікам праграмы развіцця льняной галіны ў рэспубліцы.

У выніку мадэрнізацыі магутнасці па перапрацоўцы доўгага льновалакна ўзраслі на 30 працэнтаў, што дало магчымасць істотна абнавіць асартымент, выпускаць тканіну з больш высокай дабаўленай вартасцю. Значна знізіўся знос актыўнай часткі асноўных фондаў, вырасла прадукцыйнасць працы, дыверсіфікаваны рынкі збыту. У 2018 годзе прадукцыя Аршанскага льнокамбіната пастаўлялася ў 42 краіны, у тым ліку ў 33 краіны далёкага замежжа. Валютная выручка ўзрасла больш як у два разы.-0-

Навіны рубрыкі Эканоміка
Вёска атлетаў Мінфін: 70 працэнтаў бюджэту Еўрапейскіх гульняў накіравана на развіццё інфраструктуры Беларусі
Учора 17:46
Беларусь і Італія дамовіліся актывізаваць эканамічнае і інвестыцыйнае супрацоўніцтва
Учора 14:48
Беларусь гатова дзяліцца з Венгрыяй вопытам рэалізацыі ядзернай энергетычнай праграмы
Учора 14:45
Еўрапейскія гульні ўзмацняюць інвестыцыйную прывабнасць Беларусі - Ермаловіч
Учора 13:38
Некаторыя маркі цыгарэт даражэюць у Беларусі з 1 ліпеня
Учора 12:31
"Гомсельмаш" паставіць у Кітай партыю машынакамплектаў на больш як $1,5 млн
25 Чэрвень, 16:55
Баляслаў Пірштук. Фота з архіва Горадабудаўнічая палітыка ў Беларусі арыентавана на развіццё разумных і зялёных гарадоў - Пірштук
25 Чэрвень, 13:31
Частковае аднаўленне экспарту беларускай нафты плануецца да канца чэрвеня - "Белнафтахім"
25 Чэрвень, 12:29
Сярэдняя зарплата ў Беларусі ў маі склала Br1071,6
25 Чэрвень, 10:38
Поўная версія