Поўная версія

АЭС забяспечыць энергабяспеку Беларусі, пытанні экспарту другасныя - Філімонаў

Эканоміка 09.10.2019 | 17:56

9 кастрычніка, Астравецкі раён /Кар. БЕЛТА/. Атамная электрастанцыя забяспечыць энергабяспеку Беларусі, пытанні экспарту электраэнергіі другасныя, заявіў сёння генеральны дырэктар БелАЭС Міхаіл Філімонаў у час прэс-туру для замежных СМІ на Беларускую АЭС, перадае карэспандэнт БЕЛТА.

"Перш чым пачынаць будаўніцтва АЭС, мы прапрацавалі пытанне, з якой мэтай яе ўзводзім. Першапачатковая мэта - мы не павінны залежаць ад аднаго віду паліва, у прыватнасці ад газу. Асноўная задача атамнай станцыі - забяспечыць устойлівае электразабеспячэнне Беларусі. І першапачаткова АЭС задумвалася і інтэгравалася для работы ў беларускай энергасістэме, - растлумачыў Міхаіл Філімонаў. - А пытанні экспарту другасныя, яны залежаць ад рынкаў, кан'юнктуры і іншага".

Адказваючы на пытанне егіпецкага журналіста аб кошце АЭС, Міхаіл Філімонаў растлумачыў, што ён залежыць ад многіх фактараў. "Кошт і праекты бываюць розныя, як вы зможаце ў сябе ў Егіпце заключыць кантракт. Кошт залежыць ад розных паказчыкаў - будуецца станцыя пад ключ або не, які ўдзел краіны. Наша лічба, нават калі я яе назаву, нічога вам не дасць", - дадаў ён.

Што датычыцца крэдытнага пагаднення з РФ, то гендырэктар БелАЭС нагадаў, што на больш высокім узроўні ёсць прапановы па паляпшэнні ўмоў крэдыту. "Гэта рабочы працэс. Самае асноўнае для нас - крэдытнае пагадненне ёсць, і яно выконваецца як беларускім бокам, так і расійскім", - сказаў ён.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Першы энергаблок плануецца ўвесці ў эксплуатацыю ў канцы 2019 года, другі - у 2020-м. Генеральны падрадчык будаўніцтва БелАЭС - інжынірынгавы дывізіён дзяржкарпарацыі "Расатам" (АБЭ).

Крэдыт на будаўніцтва АЭС прадастаўлены РФ у памеры да $10 млрд, ён пагашае 90 працэнтаў кошту затрат па будаўніцтве, яшчэ 10 працэнтаў аплачвае беларускі бок.-0-

Навіны рубрыкі Эканоміка
Фота Pixabay Рост ВУП на 2,8 працэнта і экспарту на 3,6 працэнта - урад дапрацаваў прагнозныя дакументы на 2020 год
18 Кастрычнік, 19:43
Мінэканомікі: у Беларусі няма канцэптуальных рознагалоссяў з СБ па падрыхтоўцы дарожнай карты
18 Кастрычнік, 19:30
Цэнтрабанкі Беларусі і РФ прапрацуюць стварэнне ІТ-платформы для здзелак па гандлёвым фінансаванні
18 Кастрычнік, 19:09
Сяргей Румас Беларусь гатова ўдзельнічаць у будаўніцтве аб'ектаў і пастаўляць тэхніку ў Наўгародскую вобласць
18 Кастрычнік, 18:40
У Беларусі засталося ўбраць 4,3 працэнта плошчаў бульбы і 27,5 працэнта агародніны
18 Кастрычнік, 10:53
Снапкоў: Беларусь за няпоўныя 30 гадоў прайшла ўнікальны шлях эканамічнай трансфармацыі
18 Кастрычнік, 09:00
Фота з архіва Нацбанк: інфляцыя ў Беларусі да канца года стабілізуецца паблізу 5 працэнтаў
17 Кастрычнік, 17:06
Стратэгію развіцця нафтахімічнага комплексу-2030 плануецца вызначыць да канца года
17 Кастрычнік, 16:10
Наўгародскія аграрыі галасуюць за беларускую тэхніку - губернатар расійскага рэгіёна
17 Кастрычнік, 15:52
Поўная версія