Поўная версія

Абласныя саветы па развіцці прадпрымальніцтва павінны фіксаваць агульнасістэмныя праблемы бізнесу - Турчын

Эканоміка 12.06.2019 | 16:24
Аляксандр Турчын. Фота з архіва
Аляксандр Турчын. Фота з архіва

12 чэрвеня, Мінск /Кар. БЕЛТА/. Абласныя саветы па развіцці прадпрымальніцтва павінны фіксаваць як лакальныя, так і агульнасістэмныя праблемы бізнесу, заявіў сёння журналістам першы намеснік прэм'ер-міністра, старшыня Савета па развіцці прадпрымальніцтва Аляксандр Турчын, перадае карэспандэнт БЕЛТА.

"Цяпер асноўная наша работа - фарміраванне абласных саветаў па развіцці прадпрымальніцтва. Указам вызначана, што Савет Міністраў выпрацоўвае тыпавое палажэнне аб абласным савеце, і цяпер якраз ідзе работа над гэтым дакументам. Мы хацелі б крыху структураваць нашу работу. Абласныя саветы - гэта людзі, якія знаходзяцца на месцах і ведаюць праблемы, якія хвалююць бізнес. Хацелася б, каб пытанні, што ўваходзяць у кампетэнцыю мясцовых органаў улады, - зямельныя, маёмасныя, - вырашаліся на ўзроўні абласных саветаў па развіцці прадпрымальніцтва", - сказаў Аляксандр Турчын.

Ён таксама адзначыў, што ў абласных саветах павінны фіксавацца ў тым ліку тыя праблемы, якія ёсць на месцах, але пры гэтым маюць не лакальны, а агульнасістэмны характар. Гэта дасць магчымасць акумуляваць гэтыя праблемы ў Савеце па развіцці прадпрымальніцтва і выходзіць у тым ліку з заканадаўчымі ініцыятывамі.

Сёння на пасяджэнні Савета па развіцці прадпрымальніцтва абмяркоўваюцца актуальныя праблемы развіцця бізнесу і прыярытэтныя напрамкі работы савета, арганізацыя ўзаемадзеяння з тэрытарыяльнымі саветамі па развіцці прадпрымальніцтва і прадпрымальніцкімі саюзамі (асацыяцыямі), а таксама дзейнасць выканаўчага органа савета - Рэспубліканскага фонду садзейнічання развіццю прадпрымальніцтва. Указам нумар 173 "Аб удасканаленні дзейнасці Савета па развіцці прадпрымальніцтва" абноўлены персанальны склад савета. У яго ўключаны кіраўнікі і ўласнікі розных прадпрыемстваў краіны. У сваю чаргу прадстаўнікі іншых прадпрымальніцкіх саюзаў (асацыяцый) атрымаюць статус афіцыйных партнёраў, які дасць ім магчымасць прымаць удзел у рабоце савета і выконваць іншыя функцыі. У сувязі з гэтым на пасяджэнні разглядаліся крытэрыі вызначэння афіцыйных партнёраў савета.

Дырэктар Рэспубліканскага фонду садзейнічання развіццю прадпрымальніцтва Таццяна Быкава выказала прапанову па гэтых крытэрыях. Статус афіцыйных партнёраў савета прапануецца прадаставіць саюзам (асацыяцыям), якія з'яўляюцца аб'яднаннямі юрыдычных асоб і (або) індывідуальных прадпрымальнікаў. Пры гэтым колькасць членаў рэспубліканскага (абласнога) саюза або асацыяцыі павінна быць не меншая за 100, прафесійнага - не меншая за 30. Гэты варыянт абмяркоўваўся сёння на пасяджэнні савета, былі выказаны заўвагі. Паступіла таксама некалькі альтэрнатыўных прапаноў па крытэрыях вызначэння афіцыйных партнёраў савета. Канчатковае рашэнне пакуль не прынята.-0-

Навіны рубрыкі Эканоміка
Вёска атлетаў Мінфін: 70 працэнтаў бюджэту Еўрапейскіх гульняў накіравана на развіццё інфраструктуры Беларусі
Учора 17:46
Беларусь і Італія дамовіліся актывізаваць эканамічнае і інвестыцыйнае супрацоўніцтва
Учора 14:48
Беларусь гатова дзяліцца з Венгрыяй вопытам рэалізацыі ядзернай энергетычнай праграмы
Учора 14:45
Еўрапейскія гульні ўзмацняюць інвестыцыйную прывабнасць Беларусі - Ермаловіч
Учора 13:38
Некаторыя маркі цыгарэт даражэюць у Беларусі з 1 ліпеня
Учора 12:31
"Гомсельмаш" паставіць у Кітай партыю машынакамплектаў на больш як $1,5 млн
25 Чэрвень, 16:55
Баляслаў Пірштук. Фота з архіва Горадабудаўнічая палітыка ў Беларусі арыентавана на развіццё разумных і зялёных гарадоў - Пірштук
25 Чэрвень, 13:31
Частковае аднаўленне экспарту беларускай нафты плануецца да канца чэрвеня - "Белнафтахім"
25 Чэрвень, 12:29
Сярэдняя зарплата ў Беларусі ў маі склала Br1071,6
25 Чэрвень, 10:38
Поўная версія