Поўная версія

У таленавітай моладзі заўсёды ёсць магчымасць праявіць сябе - дырэктар Тэатра эстрады

Культура 10.10.2019 | 10:19

10 кастрычніка, Мінск /Кар. БЕЛТА/. У таленавітай моладзі заўсёды ёсць магчымасць праявіць сябе. Такое меркаванне карэспандэнту БЕЛТА выказаў дырэктар Маладзёжнага тэатра эстрады Сяргей Мядзведзеў.

"Тэатр эстрады першапачаткова задумваўся і ствараўся як месца для развіцця і падтрымання таленавітай моладзі. Мы пастаянна прыцягваем у свае праграмы маладых артыстаў, самых лепшых бяром у штат. Бо наш патэнцыял і рэсурсная база даюць магчымасць укладваць і атрымліваць вынік, выхоўваючы прафесійных артыстаў. Не дарма тэатр часта называюць кузняй талентаў. Адсюль у розны час выйшла шмат сфарміраваных зорак, якія пакараюць сцэны не толькі нашай краіны", - расказаў Сяргей Мядзведзеў.

У тэатры прайшоў кастынг для артыстаў-вакалістаў, прафесійных танцораў, кампазітараў і аранжыроўшчыкаў. Паступіла каля 50 заявак. На кастынг былі запрошаны кандыдаты ад 18 да 25 гадоў, якія валодаюць адпаведнымі талентам і навыкамі. Ацэньвала ўдзельнікаў прафесійнае журы, якое складалася са знакамітых артыстаў і адміністрацыі тэатра.

"У гэтым годзе мы вырашылі арганізаваць сапраўдны кастынг і не прагадалі, паколькі сярод удзельнікаў было вельмі шмат цікавых маладых людзей. У выніку мы ўжо запрасілі пяць чалавек да ўзаемавыгаднага супрацоўніцтва і ўзялі на заметку яшчэ некалькіх. Мы вучымся адзін у аднаго: мы даём свой вопыт і базу, а маладыя артысты дапамагаюць нам заставацца ў трэндзе, - адзначыў дырэктар. - Дарэчы, гэта не апошні кастынг у тэатры, таму ў таленавітай моладзі яшчэ будзе магчымасць паспрабаваць сябе".

Паводле слоў Сяргея Мядзведзева, у планах тэатра - падрыхтоўка маладых артыстаў для ўдзелу ў міжнародных конкурсах, такіх як "Новая хваля", "Славянскі базар у Віцебску", "Еўрабачанне". "Акрамя таго, будзем прыцягваць іх у нашы тэатральныя праекты, якія хутка адбудуцца на сцэне Палаца Рэспублікі", - дадаў ён.-0-

Навіны рубрыкі Культура
Фота арганізатараў выставы Фотавобразы 1000-гадовага Брэста прадставілі ў галоўнай выставачнай зале горада
18 Кастрычнік, 10:03
Шасцігадзінным арт-батлам мастакоў пачаўся фестываль "Віцебскі лістапад"
18 Кастрычнік, 09:08
Бондар: Дні культуры Туркменістана - яркая старонка летапісу духоўнага ўзаемаўзбагачэння
17 Кастрычнік, 19:53
Фота junioreurovision.tv Анлайн-галасаванне на сайце дзіцячага "Еўрабачання" стартуе 22 лістапада
17 Кастрычнік, 19:00
Пеўчая традыцыя Полацкага раёна ўвайшла ў спіс нематэрыяльных каштоўнасцей Беларусі
17 Кастрычнік, 17:47
Дэбютантаў першага Венскага балю ў Купалаўскім выберуць з 200 прэтэндэнтаў
17 Кастрычнік, 16:41
Фота gomel.gov.by На міжнародным фестывалі мастацтваў Gomel Fest чакаюць каля 2 тыс. удзельнікаў
16 Кастрычнік, 19:53
Вызначаны пераможцы конкурсу сцэнарыяў ігравых фільмаў "Мая Беларусь"
16 Кастрычнік, 17:17
Праекты студэнтаў БДАМ увайшлі ў праграму Мінскага міжнароднага фестывалю паўнакупальных фільмаў
16 Кастрычнік, 14:37
Поўная версія