Поўная версія

У Беларусі падрыхтаваны праект плана па вяртанні культурных каштоўнасцей на 2017-2018 гады

Культура 26.10.2017 | 12:28

26 кастрычніка, Мінск /Кар. БЕЛТА/. У Беларусі падрыхтаваны праект плана па вяртанні культурных каштоўнасцей на 2017-2018 гады. На пасяджэнні камісіі па выяўленні, вяртанні, сумесным выкарыстанні і ўвядзенні ў навуковы і культурны абарот культурных каштоўнасцей, якія знаходзяцца за межамі Рэспублікі Беларусь, ён прыняты за аснову, перадае карэспандэнт БЕЛТА.

Праект плана падрыхтаваны на аснове прапаноў Міністэрства замежных спраў і Міністэрства культуры. Ён прадугледжвае правядзенне перагавораў аб магчымасці прадастаўлення замежнымі музеямі і дзяржаўнымі органамі культурных каштоўнасцей, якія адносяцца непасрэдна да гісторыі Беларусі, для стварэння часовых экспазіцый на тэрыторыі Беларусі.

Таксама плануецца правядзенне падрыхтоўчых мерапрыемстваў па набыцці электронных копій пэўных культурных каштоўнасцей, арганізацыя работ па вызначэнні месцазнаходжання вывезеных за межы краіны культурных каштоўнасцей з мэтай увядзення іх у навуковы і культурны абарот, арганізацыйнае забеспячэнне вядзення інтэрнэт-партала "Вяртанне".

У плане на наступны год правядзенне перагавораў з Вышэйшай нацыянальнай горнай школай Парыжа з мэтай атрымання дакументаў (іх копій), звязаных з пражываннем Ігната Дамейкі ў Францыі (1832-1837). Будзе прапрацоўвацца з музеем Радэна ў Парыжы пытанне арганізацыі ў Беларусі выставы фатаграфій Пятра Шумава. Намечана завяршэнне работы па перадачы ў дар Нацыянальнаму мастацкаму музею Беларусі калекцыі выяўленчага і манументальнага мастацтва беларускіх аўтараў з прыватнай калекцыі выхадца з Беларусі, які пражывае ў Манака.

Плануецца прадоўжыць перагаворы з музеем Фіцуільяма (Кембрыдж) аб перадачы ў часовае карыстанне беларускаму боку даспехаў калекцыі Радзівілаў для арганізацыі выставы ў Нясвіжскім замку, а таксама работу з Нацыянальным музеем карт і старых кніг Румыніі па выяўленні артэфактаў, якія ўяўляюць культурную каштоўнасць для Беларусі. Будуць прадоўжаны перагаворы з кіраўніцтвам Палаты прыдворнага ўзбраення Музея гісторыі мастацтва Вены для арганізацыі выставы ўзбраення і даспехаў роду Радзівілаў са збораў замежных музеяў у Нацыянальным гісторыка-культурным музеі-запаведніку "Нясвіж", з бібліятэкай Тартускага ўніверсітэта (Эстонія) для вырабу копіі інкунабулы, выдадзенай у 1496 годзе ў Страсбургу, з экслібрысам і пячаццю Нясвіжскай бібліятэкі.

У наступным годзе запланавана правесці два пасяджэнні камісіі па выяўленні, вяртанні, сумесным выкарыстанні і ўвядзенні ў навуковы і культурны абарот культурных каштоўнасцей, якія знаходзяцца за межамі Беларусі.-0-

Навіны рубрыкі Культура
Фота арганізатараў выставы Фотавобразы 1000-гадовага Брэста прадставілі ў галоўнай выставачнай зале горада
Учора 10:03
Шасцігадзінным арт-батлам мастакоў пачаўся фестываль "Віцебскі лістапад"
Учора 09:08
Бондар: Дні культуры Туркменістана - яркая старонка летапісу духоўнага ўзаемаўзбагачэння
17 Кастрычнік, 19:53
Фота junioreurovision.tv Анлайн-галасаванне на сайце дзіцячага "Еўрабачання" стартуе 22 лістапада
17 Кастрычнік, 19:00
Пеўчая традыцыя Полацкага раёна ўвайшла ў спіс нематэрыяльных каштоўнасцей Беларусі
17 Кастрычнік, 17:47
Дэбютантаў першага Венскага балю ў Купалаўскім выберуць з 200 прэтэндэнтаў
17 Кастрычнік, 16:41
Фота gomel.gov.by На міжнародным фестывалі мастацтваў Gomel Fest чакаюць каля 2 тыс. удзельнікаў
16 Кастрычнік, 19:53
Вызначаны пераможцы конкурсу сцэнарыяў ігравых фільмаў "Мая Беларусь"
16 Кастрычнік, 17:17
Праекты студэнтаў БДАМ увайшлі ў праграму Мінскага міжнароднага фестывалю паўнакупальных фільмаў
16 Кастрычнік, 14:37
Поўная версія