Поўная версія

Спецыяльны бязвіз на "Славянскі базар" дадаткова прыцягне ў Віцебск больш за 5 тыс. гасцей

Культура 11.07.2019 | 12:56
Фота з архіва
Фота з архіва

11 ліпеня, Віцебск /Кар. БЕЛТА/. Дзякуючы спецыяльна ўведзенаму бязвізу для гасцей XXVIII Міжнароднага фестывалю мастацтваў "Славянскі базар у Віцебску" яго мерапрыемствы змогуць дадаткова наведаць больш за 5 тыс. замежных грамадзян. Аб гэтым заявіў сёння намеснік прэм'ер-міністра Беларусі Ігар Петрышэнка на прэс-канферэнцыі, прысвечанай адкрыццю форуму, перадае карэспандэнт БЕЛТА.

Ігар Петрышэнка адзначыў, што гэты год для Беларусі напоўнены яркімі падзеямі. Нядаўна завяршыліся II Еўрапейскія гульні, якія прыцягнулі вялікую цікавасць: каля 200 тыс. чалавек паглядзелі іх на трыбунах, у 190 краінах ішла тэлетрансляцыя. Мноства гасцей было на вялікім фальклорна-этнаграфічным рэспубліканскім свяце "Александрыя збірае сяброў". "І наш брэнд, галоўная культурная падзея - "Славянскі базар у Віцебску". Вы самі бачылі, як рыхтаваўся горад, стараючыся забяспечыць зручнае асяроддзе для ўсіх. Мы пастараліся стварыць камфортныя ўмовы для нашых замежных гасцей: з 1 па 20 ліпеня ўвялі бязвізавы рэжым праз усе пункты пропуску. Цяпер ім прасцей, напрыклад, з Літвы і Латвіі дабірацца на аўтамабільным транспарце. Думаю, гэта дасць дадатковы прыток гасцей. Больш за 5 тыс. чалавек дадаткова прыедуць да нас, каб убачыць, як праходзяць мерапрыемствы "Славянскага базару", - сказаў ён.

Прынцып такі ж, што і ў час II Еўрапейскіх гульняў, - білет на любое мерапрыемства "Славянскага базару" адкрывает для замежных грамадзян бязвізавыя ўезд і знаходжанне на ўвесь перыяд з 1 па 20 ліпеня.

Таксама Ігар Петрышэнка прывёў некалькі цікавых лічбаў: каля 170 тыс. артыстаў, прадзюсараў і іншых дзеячаў мастацтва за гэтыя гады наведалі мерапрыемствы форуму, больш за 5,5 млн чалавек маглі паглядзець і паўдзельнічаць у мерапрыемствах. І можна прыводзіць імёны цяпер вельмі вядомых артыстаў, у творчым узлёце якіх вялікую ролю адыграла віцебская фестывальная пляцоўка. Гэта Дзімаш Кудайберген, Таісія Павалій, Пётр Ялфімаў і іншыя.

"У бягучым годзе адкрыта 23 пляцоўкі, 190 мерапрыемстваў запланавана. Мы стараемся кожны год дабаўляць нешта новае і цікавае", - сказаў на заканчэнне Ігар Петрышэнка.

Мэр Віцебска Віктар Нікалайкін адзначыў багатую гісторыю горада, які ў дні фестывалю госці і журналісты могуць адкрыць для сябе з розных бакоў, калі акрамя асноўных пляцовак форуму зазірнуць, напрыклад, у музей гісторыі Віцебскага народнага мастацкага вучылішча, дом-музей Шагала, Мастацкі музей, дзе сабрана багатая калекцыя карцін Юдаля Пэна.

Намеснік старшыні Віцебскага аблвыканкама Уладзімір Пенін дадаў, што ў дні форуму можна пры магчымасці адкрыць для сябе і іншыя куткі рэгіёна, напрыклад, Полацк, Аршанскі раён, Браслаў.-0-

Навіны рубрыкі Культура
Камерная зала Вялікага тэатра Беларусі адкрые сезон шэдэўрамі сусветнай оперы
Учора 15:09
"Беларусь 3" падрыхтаваў тэматычныя выпускі да дзён нараджэнняў Валянціны Гаявой і Генадзя Гарбука
Учора 14:01
Выстава праваслаўных абразоў "Нябеснае воінства" адкрылася да 1000-годдзя Брэста
Учора 11:47
У Косаўскім палацы. Фота з архіва Рэстаўрацыю Косаўскага палацава-паркавага ансамбля плануюць завяршыць у 2020 годзе
Учора 11:11
Гастрольны тур спектакля "Радзіва "Прудок" Купалаўскага тэатра пачаўся з аншлагаў у Брэсце
18 Ліпень, 13:01
Пленэр, прагноз ад слімака і тэатралізаванае шэсце - у Глыбокім пройдзе "Вішнёвы фестываль"
17 Ліпень, 16:44
Фота з архіва Сусветныя шэдэўры оперы і аперэты прагучаць 15 жніўня ў канцэртнай зале "Верхні горад"
17 Ліпень, 13:17
Прэм'ера песні Гвердцытэлі і выступленне сям'і Паўліяшвілі - у Віцебску прайшоў канцэрт шансона
17 Ліпень, 13:01
Артыстаў з 7 краін збярэ ў Гродне фестываль вулічнага мастацтва
16 Ліпень, 17:48
Поўная версія