Поўная версія

Пра падарожжы па Беларусі мастака Кастуся Качана раскажа выстава ў Гомелі

Культура 11.09.2019 | 11:35
Фота з архіва
Фота з архіва

11 верасня, Гомель /Кар. БЕЛТА/. Выстава жывапісу Кастуся Качана "Радзiмаю зачараваны" адкрыецца 19 верасня ў Гомелі ў цэнтральнай частцы палаца Румянцавых і Паскевічаў, паведамілі карэспандэнту БЕЛТА ў Гомельскім палацава-паркавым ансамблі.

Праект "Радзiмаю зачараваны" прымеркаваны да Года малой радзімы. Ён паспяхова падарожнічае па Беларусі і з'яўляецца сведкам бязмежнага натхнення аўтара ад шматлікіх паездак па дзіўных кутках роднай зямлі.

Экспазіцыя аб'яднала некалькі дзясяткаў карцін майстра, які працуе ў станковым жывапісе ў жанрах пейзажа і нацюрморта. "Аўтар вядомы сваімі лірычнымі творамі з адлюстраваннем помнікаў архітэктуры, храмаў, манастыроў Беларусі. Асаблівае месца ў творчасці Кастуся Качана займаюць пейзажы Навагрудскага раёна - яго малой радзімы. Раскрываецца ў палотнах і паэтычнае хараство прыроды, асаблівы каларыт жыцця сельскага чалавека", - адзначылі ў дзяржаўнай гісторыка-культурнай установе.

У палацава-паркавым ансамблі падкрэслілі, што гэтага мастака мастацтвазнаўцы называюць "песняром беларускіх мястэчак". У слушнасці такой характарыстыкі змогуць пераканацца і наведвальнікі выставы, паглядзеўшы на дрэвы і кветкі, замкі і храмы, жней у полі, сялянскія хаты, млыны, водныя прасторы і неабсяжнае неба на карцінах.

Кастусь Качан нарадзіўся 4 сакавіка 1950 года ў вёсцы Лаўрышава Навагрудскага раёна Гродзенскай вобласці. Вучыўся ў БДУ на факультэце фізікі, затым быў вольным слухачом у Беларускай дзяржаўнай акадэміі мастацтваў. З 1980 года ўдзельнік рэспубліканскіх і замежных мастацкіх выстаў. У 1987 годзе стаў членам ГА "Беларускі саюз мастакоў".

Арганізатарамі выставы выступаюць Міністэрства культуры Беларусі, Гомельскі палацава-паркавы ансамбль, Беларускі саюз мастакоў. Творы Кастуся Качана можна будзе ўбачыць у палацы Румянцавых і Паскевічаў да 13 кастрычніка.-0-

Навіны рубрыкі Культура
У час экскурсіі кітайскай дэлегацыі па Нацыянальнай бібліятэцы Беларусі. Фота Нацыянальнай бібліятэкі Беларусі Беларуска-кітайская выстаўка "Традыцыі сустракаюцца" адкрыецца ў Нацбібліятэцы 25 верасня
13 Верасень, 19:35
Беларусь і Кітай пастаянна знаходзяць новыя магчымасці культурнага супрацоўніцтва - Бондар
13 Верасень, 17:01
Вялікі тэатр Беларусі падрыхтаваў выставу пра Яўгена Глебава
13 Верасень, 12:42
Аскараносны фільм "Скура" пакажуць на міжнародным фестывалі кароткаметражных фільмаў у Мінску
12 Верасень, 11:54
Візіткі фіналістаў нацадбору дзіцячага "Еўрабачання-2019" прадставілі ў тэлеэфіры
12 Верасень, 11:00
Кнігу пра Вітольда Бялыніцкага-Бірулю прэзентавалі ў Нацыянальным мастацкім музеі
12 Верасень, 10:36
Выстава "Беларуская культура праз прызму часоў" адкрыецца ў Гасцінай Уладзіслава Галубка
11 Верасень, 14:00
Выстава нямецкага мастака Германа Буса "Палеская элегія. Страчаная зямля" адкрылася ў Мінску
11 Верасень, 12:23
Пра падарожжы па Беларусі мастака Кастуся Качана раскажа выстава ў Гомелі
11 Верасень, 11:35
Поўная версія