Поўная версія

Помнік Льву Сапегу ўстанавілі ў Слоніме

Культура 22.08.2019 | 16:18

22 жніўня, Гродна /Кар. БЕЛТА/. У Слоніме сёння ўстанавілі помнік Льву Сапегу, паведамілі БЕЛТА ў аддзеле культуры Слонімскага райвыканкама.

Скульптура ўпрыгожыла гістарычны цэнтр. Вышыня бронзавай статуі разам з гранітным пастаментам вышэйшая за 4 м. Аўтары помніка скульптары Іван Міско, Уладзімір Піпін і Сяргей Логвін.

"Я ўраджэнец слонімскай зямлі. Можна сказаць, што цяпер здзейснілася мая мара. Ідэя ўстанавіць помнік вядомаму земляку ўзнікла паўтара дзясятка гадоў таму. Рады, што яна рэалізавана", - адзначыў Іван Міско. Ён падкрэсліў, што ў Слоніме ўпершыню з'явіўся помнік такога маштабу.

Леў Сапега - значная гістарычная фігура для горада. Некалі выдавец Статута Вялікага Княства Літоўскага быў старастам старажытнага горада, пры Льву Сапегу Слонім актыўна развіваўся. За час праўлення Льва Сапегі Слонім стаў цэнтрам гандлю і рамёстваў. Былі пабудаваны ратуша, гандлёвыя рады, цэхі рамеснікаў, склаўся гістарычны цэнтр горада з брукаванымі вуліцамі, плошчамі і мастамі. Па яго хадайніцтве ў 1591 годзе гораду было прысвоена Магдэбургскае права, дараваны герб, на якім паказаны леў, які трымае залатую стралу.

Урачыстае адкрыццё помніка запланавана ў Дзень беларускага пісьменства, які Слонім прыме 1 верасня.

Ва ўпраўленні культуры Гродзенскага аблвыканкама расказалі, што ў рэгіёне з'явяцца помнікі і іншым вядомым асобам. У прыватнасці, у Слоніме хутка плануюць устанавіць бюст Міхала Казіміра Агінскага. У Жыровічах у 2020 годзе маюць намер устанавіць помнік архімандрыту Серафіму Жыровіцкаму.

З'явяцца новыя помнікі і ў іншых раёнах вобласці. У Лідзе, напрыклад, увекавечылі ў бронзе вялікага князя літоўскага Гедыміна. Конная статуя вышынёй каля 3 м устаноўлена на пляцоўцы перад Лідскім замкам. Урачыстае адкрыццё скульптуры адбудзецца ў Дзень горада, які Ліда адсвяткуе 7 верасня.

Акрамя таго, у Навагрудку прапрацоўваецца пытанне аб устаноўцы помніка князю Міндоўгу. У Дзятлаве плануюць устанавіць скульптуру заснавальніку горада гетману Канстанціну Астрожскаму.-0-

Навіны рубрыкі Культура
Фота арганізатараў выставы Фотавобразы 1000-гадовага Брэста прадставілі ў галоўнай выставачнай зале горада
Учора 10:03
Шасцігадзінным арт-батлам мастакоў пачаўся фестываль "Віцебскі лістапад"
Учора 09:08
Бондар: Дні культуры Туркменістана - яркая старонка летапісу духоўнага ўзаемаўзбагачэння
17 Кастрычнік, 19:53
Фота junioreurovision.tv Анлайн-галасаванне на сайце дзіцячага "Еўрабачання" стартуе 22 лістапада
17 Кастрычнік, 19:00
Пеўчая традыцыя Полацкага раёна ўвайшла ў спіс нематэрыяльных каштоўнасцей Беларусі
17 Кастрычнік, 17:47
Дэбютантаў першага Венскага балю ў Купалаўскім выберуць з 200 прэтэндэнтаў
17 Кастрычнік, 16:41
Фота gomel.gov.by На міжнародным фестывалі мастацтваў Gomel Fest чакаюць каля 2 тыс. удзельнікаў
16 Кастрычнік, 19:53
Вызначаны пераможцы конкурсу сцэнарыяў ігравых фільмаў "Мая Беларусь"
16 Кастрычнік, 17:17
Праекты студэнтаў БДАМ увайшлі ў праграму Мінскага міжнароднага фестывалю паўнакупальных фільмаў
16 Кастрычнік, 14:37
Поўная версія